Á Hönnunarmars verða sýndar niðurstöður glerungarannsóknar sem framkvæmd var af keramikerum frá mismunandi löndum með fjölbreytta reynslu og sýn. Upplýsingum var deilt með reglulegum netfundum milli heimsálfa, sameiginlegur rammi ákveðinn, tilraunir gerðar og þróaðar áfram og glerungum breytt. Ákveðin aðferðafræði var notuð við rannsóknina sem byggði á uppruna hráefna, notkun þeirra og brennslu og sem skilaði sér í fjölbreyttum glerungum.

Opnunartími sýningarinnar er eftirfarandi:
Miðvikudagur 3. maí kl. 18:00 - 21:00 (opnunarviðburður)
Fimmtudagur 4. maí kl. 16:00 - 21:00
Föstudagur 5. maí kl. 11:00 - 21:00
Laugardagur 6. maí kl. 12:00 - 17:00
Sunnudagur 7. maí kl. 13:00 - 17:00

A presentation of the results of a collective study of ceramic glaze carried out by an international group of ceramicists with different approaches. Information was shared through regular intercontinental internet meetings, a common research framework was established, experiments were conducted and glazes were developed. The research methodology led to a diversity of glazes due to the origin of raw materials, methods of use and firing.

Opening hours:
Wednesday May 3, at 18:00 - 21:00 (Opening Event)
Thursday May 4, at 16:00 - 21:00
Friday May 5, at 11:00 - 21:00
Saturday May 6, at 12:00 - 17:00
Sunday May 7, at 13:00 - 17:00

Þátttakendur/Participants:
Christina Schou Christensen
Ólöf Erla Bjarnadóttir
Linda Svanson
Margrét Elín Þórðardóttir
Sigurlína Margrét Osuala
Svanbjörg Helena Jónsdóttir
Þóra Finnsdóttir

Fjölskyldutónleikar sem hverfast um ljóð Hannesar Hafstein. 

Flytjendur og höfundar eru Aðalsteinn Ásberg Sigurðsson, Þorgerður Ása Aðalsteinsdóttir, Álfgrímur Aðalsteinsson og Árni Húmi Aðalsteinsson, en öll hafa þau samið og sungið lög við ljóð skáldsins.

Það verður um einstaka fjölskyldustemmningu að ræða og dagskráin endurspeglar aðkomu ólíkra kynslóða þar sem boðið verður upp á bæði nýtt og gamalt efni. Miðasala á tix.is

Feðginin Sigurkarl og Auður leika undir samsöng í Hannesarholti laugardaginn 29.apríl kl.14.  Þau eru áhugaspilarar sem hafa gaman af margs konar tónlist og spila svolítið   ,,með sínu nefi " og í samsöngnum eru öll hvött til að taka undir og syngja ,,með sínum hætti". Textar á tjaldi og aðgangur ókeypis. Veitingastofurnar eru opnar frá 11.30-16, fyrir þá sem vilja gera vel við sig á undan eða eftir söngstundinni. 

Ása Ólafsdóttir lýkur Bakkalárnámi í tónsmíðum frá tónlistardeild Listaháskóla Íslands. Útskriftarverk hennar er í formi innsetningar og ber yfirskriftina ,,Voð" en þar skapar Ása nýjan hljóðheim þar segulbandstæki, kassettur og lúpppedalar koma við sögu.

Innsetningin opnar kl. 13:00 í Hannesarholti þann 27.apríl og stendur yfir í þrjá daga eða til 29.apríl.

Ana Luisa Diaz de Cossio, fiðla
Cameron Anderton, fagott
Rún Árnadóttir, selló
Svanhildur Lóa Bergsveinsdóttir, slagverk
Ása Önnu Ólafsdóttir, raf.
_____________________________

Ása er tónskáld, gítar-, píanó- og orgelleikari. Hún gengur undir listamannsnafninu Asalaus og hefur verið virk í grasrótarsenunni í Reykjavík. Ása hefur gefið út nokkrar plötur, bæði sem Asalaus og sem meðlimur hljómsveitarinnar Ateria sem sigraði Músíktilraunir árið 2018. Tónsmíðar Ásu beinast mikið að tilraunum með hljóð og nótnaskrift.

Nokkrum hljóðeiningum er raðað um rýmið og einskonar hljóðumhverfi búið til. Einingarnar virka þannig að spilaðar eru lúppur af tónlist sem er tekin upp fyrirfram og yfirfærð á segulbandstæki, kassettutæki og lúpppedala. Þessar einingar spila tilviljanakennt saman inni í rýminu og vefast endalaust saman á nýja vegu, nýjar útsetningar verða stöðugt til. Því mun hver hlustandi fá einstaka upplifun af verkinu.

Hver hljóðeining hefur að geyma upptöku af einu hljóðfæri, en hljóðfærin sem eru notuð eru selló, fagott, fiðla og slagverk ásamt rafhljóðum. Fyrir hvert hljóðfæri er búið til grafískt skor sem er til sýnis við hljóðeiningu tilheyrandi hljóðfæris. Svona er tónlistin líka sýnileg, þar sem hægt er að skoða grafísku skorin og bera saman við það sem heyrist.

Það að innsetningin búi sífellt til nýjar samsetningar hljóða má bera saman við lífið almennt. Innsetningin býr til endalaust fleiri "nú" og ekki er hægt að sækja aftur þau augnablik sem stöðugt líða hjá.
__________________

Ása Ólafsdóttir completes her Bachelor Degree in composition from IUA Music Department. Her graduation project "Voð" is a sound installation were loop pedals, cassets and tape recorder play the main role in a new sound scape.

Opening event in Hannesarholt //
April 27th at 6:30 pm

Installaion openings //
April 28 - 29th at opening hours.

Ana Luisa Diaz de Cossio, violin
Cameron Anderton, bassoon
Rún Árnadóttir, cello
Svanhildur Lóa Bergsveinsdóttir, percussion
Ása Önnu Ólafsdóttir, electric sound.
_______________________________

Ása is a composer, guitarist, pianist and organist. She has a project called Asalaus and has been active in the underground music scene in Reykjavík. Ása has released a few albums, both as Asalaus and as a member of Ateria, that won Músíktilraunir (The Iceland Music Experiments) in 2018. Ása's compositional practice is focused on experiments with sound and notation.

A few sound units are distributed around the space, creating a sound environment. These sound units consist of loops of music recorded beforehand and then transferred onto reel-to-reel tape machines, cassette players, and loop pedals. The units play together randomly inside the space, constantly generating new arrangements. As a result, each listener will have a unique experience of the piece.

Each sound unit stores a recording of a single instrument, and the instruments used in the installation are the cello, bassoon, violin, percussion, and electronics. For each instrument, there is a graphic score that is on show by the instrument's corresponding sound unit. In this way, the music is made visible, and the listener can compare the score to what they hear.

The installation's constant generation of new combinations of sound can be compared to life in general. The installation creates infinite "nows," and it is impossible to retrieve the moments that constantly pass by.

Útskriftartónleikar LHÍ 2023 // Ása Ólafsdóttir

Hvað ef ráðherra Íslands hefði verið heittrúaður spíritisti, trúað á allskyns samskipti við framliðna sem í augum flestra nútímamanna orka fráleit og viljað haga stjórnmálastefnu sinni í samræmi við það? Morgunstund með Hermanni Stefánssyni þann 22. apríl er ekki ótengd Hannesarholti því maðurinn sem var ráðherra frá 1909 til 1912, er sögupersóna í skáldsögu Hermanns, Millibilsmaður. Björn Jónsson tók við af Hannesi Hafstein og það var Hannes Hafstein sem tók við af honum aftur. Um skáldsögu sína Millibilsmann og um tengsl stjórnmála og spíritisma mun Hermann ræða á morgunstundinni, vonandi með þátttöku áhorfenda. Hér er á ferð efni sem lítið hefur verið fjallað um, en langafi Hermanns, Guðmundur Hannesson læknir, gerði ítarlegar vísindarannsóknir á hinum víðfræga miðli Indriða Indriðasyni og dró ekki dul á vantrú sína. Hermann les upp úr skáldsögu sinni með aðstoð Ragnheiðar Ólafsdóttur, sem kveður að gömlum íslenskum hætti það í verkinu sem er í bundnu máli, sem er einkum það sem rennur upp úr útigangskonunni Konkordíu, sem á sér enga stoð í raunveruleikanum, en þó kannski nokkra.

Verið öll velkomin á morgunstund um spíritisma og stjórnmál í Hannesarholti laugardaginn 22.apríl kl.11, aðgangur ókeypis. Sáralítið er eftir af bókinni á lager og vel má vera að festa megi kaup á skáldsögunni Millibilsmaður á staðnum, en hún er óðum og hratt að verða fágæti.

Veitingastaðurinn opnar kl.11.30 og hádegisverður er framreiddur.

Stefán Boulter opnar málverkasýningu sína "Ný Goð" í Hannesarholti föstudaginn 21.apríl kl.16-18. Hann hefur kosið að kalla það sem hann gerir „ljóðrænt raunsæi“. Verkin eru táknmyndir sem eru frásagnarlegs eðlis, bæði persónulegar og byggðar á þekktum og fornum grunni. Hugleiðingar um okkar sammannlegu erkitýpur, náttúruna, tilvist okkar í henni og dýrkun hennar skipar þar stóran sess. Mannveran, dýrin, hlutir, viðvera og ára þeirra eru viðfangsefni sem eru í forgrunni. Málverkin endurspegla andlegt og fagurfræðilegt gildi listsköpunar og bera verkin merki þess.

Stefán (f. 1970) stundaði nám í grafískri hönnun í Tempe, Arizona í Bandaríkjunum 1991-1992 og listnám við Istituto d‘ Arte di Firenze í Flórens á Ítalíu 1994-1996. Hann var aðstoðarmaður Odd Nerdrum í Noregi og Íslandi 2001-2004. Stefán hefur sýnt verk sín í söfnum og galleríum bæði hér heima og erlendis, haldið einkasýningar og tekið þátt í samsýningum, m.a. í Massachusetts í Bandaríkjunum, Barcelona á Spáni, Kjarvalsstöðum og Listasafninu á Akureyri.

Myndlistarsýning  ,,Ný goð" Stefán Boulter

AFLÝST VEGNA ÓVIÐRÁÐANLEGRA AÐSTÆÐNA - Síðdegisstund með Sigurði Rúnari Jónssyni, Didda fiðlu, og Ásgerði Ólafsdóttur, sérkennara sem vera átti í Hannesarholti laugardaginn 15.apríl kl.16 er aflýst vegna óviðráðanlegra aðstæðna. 

Fellur niður - síðdegisstund með hjónunum Didda fiðlu og Ásgerði Ólafsdóttur 

Syngjum saman í Hannesarholti með Þorgerði Ásu

Dagana 13.-16. apríl verður í Hannesarholti yfirlitssýning á málverkum Óskars Ólasonar málarameistara. Óskar fæddist á Eskifirði þann 13.apríl 1923 og eru því hundrað ár liðin frá fæðingu hans um þessar mundir. Hann missti föður sinn ungur og flutti móðir hans með barnahópinn til Reykjavíkur. Óskar lést árið 2010 en yndisleg minning lifir um hann, ekki síst í gegnum þau málverk sem hann skildi eftir sig. Fjölskylda hans hefur safnað saman hluta þessa verka, sem verða til sýnis í Hannesarholti fimmtudag, föstudag, laugardag og sunnudag frá kl.11.30-16.

Á kreppuárunum, 1930–45, urðu margir sem gengu með listamanns-drauminn í maganum að gefa hann upp á bátinn. Menntun erlendis var það eina sem í boði var en slíkt var nánast útilokað þeim sem ákváðu að stofna til fjölskyldu. Þó draumurinn um listnám yrði ekki að veruleika hjá Óskari sótti hann námskeið í málun og teikningu meðal annars hjá Nínu Tryggvadóttur. Einnig viðaði Óskar að sér listaverkabókum og nam með því að lesa sér til um listastefnur og tækni. Hann var samtímamaður fyrstu kynslóðar íslenskra málara og var ætíð duglegur að fara á listasýningar og fylgjast með. Fyrstu verk Óskars má greina sem natúralísk-rómantísk enda mest landslagsverk. Seinna urðu myndir hans meira í anda ljóðrænna expressjónisma og síðar abstrakt.

Óskar lauk málarameistaranámi í Iðnskólanum í Reykjavík og vann sem slíkur. Eins og eiginkona hans, Arnfríður Ísaksdóttir, rak hann sitt eigið fyrirtæki sem má segja að hafi byggt á litum og litavali. Um hríð starfaði Óskar í Málarameistaranum, sem þá var til húsa í Bankastræti, og þá þurftu menn að kunna að blanda liti út frá þekkingu og tilfinningu. Óskar þótti sýna mikla næmni varðandi slíka færni, dropi af svörtu til að dempa skæran tón eða tvo af gulu til að ná fram hlýrri blæ. 

Er börnin fjögur uxu úr grasi tók Óskar fram penslana og trönurnar fyrir alvöru. Þeim tíma sem hann var ekki að sinna sumarbústað fjölskyldunnar, og skógræktinni þar, varði hann í málaraherberginu. Óskar hafði ætíð mikinn áhuga á málaralist og á heimili þeirra Fríðu héngu myndir t.a.m. eftir Nínu Tryggvadóttur, Þorvald Skúlason, Kristján Davíðsson, Kára og Hauk Dór. Óskar hélt tvær sýningar, á verkum sínum á meðan hann lifði, þá kominn á fullorðinsaldur.

Börn Óskars færa þeim þakkir sem lána verk á sýninguna ásamt þökkum til Hannesarholts fyrir að halda sýninguna. 

A selection of Óskar Ólason's paintings will be exhibited in Hannesarholt on April 13th through the 16th. Óskar was born in Eskifjörður, East Iceland, on April 13th 1923 and thus his family is celebrating 100 years from his birth. He lost his father at a young age and his mother moved to Reykjavik with her five children. Óskar died in 2010 at the age of 87 and his memory lives on, especially in the artwork he left behind. His family has gathered a selection of his paintings to be exhibited in Hannesarholt throug Thursday, Friday, Saturday and Sunday from 11.30 am until 4 pm.  

During the Depression, in 1930-1945, most aspiring artists in Iceland had to abandon the dream of following their Muse. The only option was art education abroad, and such path was next to impossible for someone like Óskar, a husband and a father with a growing family. Nevertheless, he took courses in

drawing and painting from teachers like Nína Tryggvadóttir and collected books of art, in order to educate himself in the various art trends and techniques. He was a contemporary of the first generation of Icelandic artists, and frequented art exhibitions and museums. Óskar's first pieces can be classified as naturalist-romantic, mostly landscapes. Later on his pieces became more in the spirit of lyrical expressionism and abstract. 

Óskar qualified as a Master Housepainter at the Reykjavík Technical College and worked as such. Like his wife, Arnfríður Ísaksdóttir, he ran his own company, which in a sense was based on working with colours. He was an expert in mixing colours and was celebrated for his skill. A drop of black to soften a bright colour or two drops of yellow to draw out a warmer tone.

In time, as his four children were grown and life offered more free time, Óskar gave in to his love of painting. When he wasn't planting trees or working on the family's summer house, he was in his studio making art. He was a great lover of art throughout his life, and the family home sported art pieces by renowned Icelandic artists. Óskar held two art exhibits during his lifetime, in his later year. 

Óskar's children extend thanks to those who have lent pieces for exhibition and also to Hannesarholt for hosting the exhibit. 

Ljóðið lifi er ný tónlistarhátíð sem hefur göngu sína í vor en þar verður ljóðatónlistinni gert hátt undir höfði. 

Boðið verður upp á þrenna tónleika með vandaðri efnisskrá í hinum sjarmerandi tónleikasal Hannesarholts, Hljóðbergi. 

Skipuleggjendur hátíðarinnar eru Auður Gunnarsdóttir sópransöngkona og Eva Þyri Hilmarsdóttir píanóleikari.

Dagskrá:
1. Föstudagskvöldið 24. mars kl. 19:30

Karin Björg Þorbjörnsdóttir og Unnsteinn Árnason

Auður Gunnarsdóttir og Kolbeinn Jón Ketilsson

Debuttónleikar Önnu Guðrúnar Jónsdóttur

Píanóleikari á öllum tónleikunum er Eva Þyri Hilmarsdóttir

Múltíkúltíkórinn efnir til söngs og samveru í Hannesarholti laugardaginn 25. mars klukkan 14. Kórinn er skipaður konum hvaðanæva úr heiminum, sem koma saman og syngja lög frá sínum heimaslóðum.

Lögin velja konurnar sjálfar, kenna hinum í hópnum og syngja þau á upprunalegum tungumálum. Þannig fá þær tækifæri til að kynnast tónlist og menningu hver annarrar og styðja hver aðra í söng og samveru.

Nýjasta lag kórsins er frelsislagið „Barāye“ sem sungið hefur verið á götum Írans síðan í haust. Nú fá gestir Hannesarholts tækifæri til að kynnast því, ásamt fleiri lögum kórsins, og jafnvel að syngja með.

Stjórnandi Múltíkúltíkórsins er Margrét Pálsdóttir. Ársæll Másson leikur á gítar, Ari Agnarsson á píanó og harmónikku og Árni Áskelsson á slagverk.

Ekki verður innheimtur aðgangseyrir á tónleikana en gestir eru hvattir til að styðja kórinn með upphæð að eigin vali. Reikningsnúmerið er 0133-26-003579 og kennitala kórsins er 680121-0600. Senda má kvittun á netfangið: multikultikorinn@gmail.com.

Marta Margrét Rúnarsdóttir, opnar ljósmyndasýningu sína, “Fólk eins og við”, í veitingasölum Hannesarholts laugardaginn 18.mars kl.14.

Um er að ræða fyrstu einkasýningu Mörtu Margrétar hér á landi. Marta sem hefur starfað sem lögfræðingur á Íslandi og í Belgíu um árabil, hefur á síðustu árum tekið þátt í alþjóðlegum listasýningum á Norðurlöndunum og á meginlandi Evrópu og hlotið ýmsar viðurkenningar fyrir ljósmyndir sínar, m.a. frá Prix de la Photographie í París. Næst á dagskrá er þátttaka í samsýningu ljósmyndara “Frame within frames” í Minneapolis í Bandaríkjunum í mars og samsýning ljósmyndara og rithöfunda í MIMO, Museum of the Moving Image í Leiria í Portugal frá apríl 2023. Frekari upplýsingar má finna á heimasíðu hennar www.morebym.com

Engan óraði fyrir fram fyrir þeim breytingum sem urðu á lífi fólks í Evrópu á meðan heimsfaraldri stóð. Um árabil hvarf margt sem áður var talið sjálfsagt og venjulegt. Ósýnilegir veggir hömluðu ferðalögum og samskiptum manna í milli. Götur urðu tómar, andlit hurfu og raddir hljóðnuðu. Tengsl fólks breyttust. Tíminn varð afstæður. Kyrrðin að óþægilegri ókyrrð. Þögnin varð hávær. Hjá mörgum leitaði hugurinn inn á við; upp hófst endurmat á þeim gildum sem við lifum eftir og þeim þáttum sem skipta okkur raunverulegu máli sem einstaklingar og sem hluti af þjóðfélagi. 

En það þarf ekki heimsfaraldur til. Þjóðfélagsbreytingar nútímans og aðstæður í lífi hvers og eins geta vakið upp sömu tilfinningar og sömu áleitnu spurningar. Að lifa, þroskast og eldast felur í sér ýmis umskipti og áskoranir; upplifun fólks á umhverfi sínu og tengsl við annað fólk breytist með tímanum. Þjóðfélagið hefur breyst ört og mun breytast enn meira til framtíðar vegna nýrrar tækni. Skjáir koma oft á tíðum í stað beins augnatillits og sýndarheimar í stað raunheima.  

Á ljósmyndasýningunni er að finna svipmyndir frá götum Evrópu á meðan á heimsfaraldri stóð og í kjölfarið. Þeirri spurningu er velt upp, hvað skipti raunverulega máli fyrir hamingju fólks og hvaða þættir hafa áhrif á okkar eigin hugsanir. Hversu nauðsynleg eru mannleg samskipti og mannleg tengsl almennt fyrir okkur? Hvernig tengjumst við fjölskyldu, vinum og náunganum? Skipta ókunnugir og saga þeirra okkur máli? Hvernig upplifum við okkur sem einstaklinga í fjöldanum? Leitum við að fegurðinni í eigin umhverfi? Tökum við eftir margbreytileika bæði hins smáa og stóra? Notum við og ræktum við eigin ímyndunarafl og sköpunarmátt?

Marta Margrét Rúnarsdóttir opnar ljósmyndasýningu sína í Hannesarholti - Fólk eins og við

Guðrún og Javier í Hannesarholti 11. mars 2023

Laugardaginn 11. mars fagna söngkonan Guðrún Jóhanna Ólafsdóttir og klassíski gítarleikarinn Francisco Javier Jáuregui útgáfu á nýjustu plötunni þeirra ,,Með þér – David del Puerto Vocal Works“ sem kom út hjá ABU Records á dögunum. Á tónleikunum í Hannesarholti flytja þau lög af plötunni ásamt efni sem þau eru að vinna í núna. Þar má nefna sönglög eftir Atla Heimi Sveinsson eins og Maríukvæði og Klementínudans og bandarísk þjóðlög innblásin af John Jacob Niles, s.s. Black is the Color og I Wonder as I Wander. Opnunarlagið á tónleikunum er hins vegar Blessuð sólin elskar allt sem gítarleikarinn Francisco Javier Jáuregui samdi við ljóð eftir Hannes Hafstein og vann með því til 3. verðlauna í Lagakeppni Hannesarholts og Stöðvar 2 haustið 2020. 

Söngkonan Guðrún Jóhanna Ólafsdóttir og spænski klassíski gítarleikarinn Francisco Javier Jáuregui eru þekkt fyrir að skapa mikla nánd við áhorfendur, innlifun, frumlegt efnisval, heillandi framkomu, tilfinninganæma túlkun og áhugaverðar kynningar, sem færa hlustendur inn í heim hvers lags fyrir sig. Guðrún og Javier komu fyrst fram saman árið 2002 í Guildhall School of Music and Drama í London, þaðan sem þau luku bæði mastersgráðum í tónlist. Síðan þá hafa þau komið reglulega fram saman í fjölmörgum tónleikasölum og á tónlistarhátíðum víðs vegar í Evrópu, Bandaríkjunum og Afríku. Þau hafa tekið upp fyrir útvarp og sjónvarp á Íslandi og erlendis og fjóra heila geisladiska: Mitt er þitt – íslensk og spænsk sönglög (12 tónar), English and Scottish Romantic Songs for voice and guitar (EMEC Discos), Secretos Quiero Descubrir og Með þér – David del Puerto Vocal Works (Abu Records). Upptökur þeirra má einnig heyra á diskunum Inspired by Harpa, Icelandic Folksongs and Other Favorites, Kom skapari (12 tónar) og Awake (Orpheus Classical). Hjónin Guðrún og Javier stofnuðu Sönghátíð í Hafnarborg árið 2017. Þau fluttu til Íslands frá Spáni árið 2020.  www.duoatlantico.com

Með þér – David del Puerto Vocal Works

Út er komin platan Með þér – David del Puerto Vocal Works. Þar flytja mezzósópransöngkonan Guðrún Jóhanna Ólafsdóttir og spænski klassíski gítarleikarinn Francisco Javier Jáuregui verk sem spænska tónskáldið David del Puerto samdi öll sérstaklega fyrir þau. David er handhafi Þjóðarverðlauna Spánar í tónlist (Premio Nacional de la Música). Titillag plötunnar er við ljóð eftir Kristján Þórð Hranfsson en önnur lög eru við ljóð eftir David del Puerto, Paco Quirce og San Juan de la Cruz. Með þeim Guðrúnu og Javier leika einnig í nokkrum lögum fiðluleikarinn Elena Jáuregui, óbóleikarinn Inma Veses Gil og sellóleikarinn Beatriz Perona. Platan var valin sem Disco de oro (Gulldiskur) í nóvemberhefti tónlistartímaritsins Melómano á Spáni 2022. Í gagnrýni blaðsins segir: ,,Fágað tungumál Del Puerto, sérlega nautnalegt, nýtur fyrirtaks tjáningar tvíeykisins Guðrúnar Ólafsdóttur og Javier Jáuregui, sem eru reyndir flytjendur verka hans fyrir söng og klassískan gítar. Íslenska mezzósópransöngkonan fer með fallegri og seiðandi rödd inn í hið kyrrláta tímaleysi chiaroscuro, bliku tunglsljóssins og nána dulúð, sem eru gegnumgangandi í ,,Poema del ocaso y la noche“ (Alejando Santini Dupeyrón). ABU Records gefur plötuna út en Árni Möller sá um upptökur og hljóðvinnslu. Samstarf þeirra Guðrúnar, Javiers og David del Puerto nær aftur til ársins 2013 og er þessi plata því uppskera margra ára samvinnu þar sem tónskáldið hefur samið tónlist fyrir flytjendurna sem þau hafa flutt á ýmsum tónleikum á Spáni og víðar. David samdi einnig titilhlutverkið í óperunni Lilith, luna negra handa Guðrúnu og var óperan frumflutt á Spáni árið 2019 þar sem Javier lék í hljómsveitinni. Hægt er að hlusta á plötuna á Spotify og öðrum streymisveitum. Útgáfan var styrkt af Hljóðritasjóði.

Sjá: https://open.spotify.com/album/000uAiBjY6I5LQnPBHyytH?si=nXPcpnlYQzy7ZtmXyL2IJw&nd=1

Syngjum saman í Hannesarholti laugardaginn 11.mars kl.14 2023 með frændunum Jóhanni Vilhjálmssyni og Gunnari Kr. Sigurjónssyni. Þeir eru gestum  Hannesarholts að góðu kunnir, enda hafa þeir stjórnað söngstundinni áður  af mikilli snilld. Þeir bræðrasynir ólust upp við tóna systkinanna  Ellyjar og Vilhjálms, enda var Vilhjálmur faðir Jóhanns og Elly föðursystir þeirra beggja. Jóhann hefur verið í kórum allt frá blautu  barnsbeini og Gunnar hefur spilað á hljómborð við ýmis tækifæri í gegnum  tíðina, jafnframt því að sinna útgáfustarfsemi og sýna töfrabrögð ýmiskonar.

Textar birtast á tjaldi eins og venja er og allir taka undir. Frítt fyrir gesti og streymt verður frá stundinni fyrir þá sem ekki komast og hina sem vilja halda áfram að njóta samsöngsins aftur og aftur. 

Syngjum saman í Hannesarholti með Jóhanni og Gunnari Kr.

Syngjum saman í Hannesarholti með Marínu Ósk laugardaginn 4.mars kl.14. Söngkonan og laga-/textasmiðurinnMarínaÓskmætir með gítarinn og leiðir ljúfa söngstundina í Hannesarholti þann 4.mars 2023 kl.14:00.  Textar á tjaldi og allir syngja með.

MarínaÓskhefur verið öflug á íslenskri tónlistarsenu síðustu ár og hlotið fyrir framlag sitt og útgáfur alls fimm tilnefningar til Íslensku Tónlistarverðlaunanna.Marínaer fjölhæf söngkona og flytur alls kyns tónlist, þótt hún hafi helst einbeitt sér að jazztónlist og íslenskri dægurlagatónlist síðustu ár.Marína,sem er með Mastersgráðu í jazztónlist frá Tónlistarháskólanum í Stokkhólmi, gaf út aðra sólóplötu sína haustið 2022 hjá sænska plötufyrirtækinu TengTones, en það var jazzplatan “One Evening in July” sem streymt hefur verið meira en 700.000 sinnum á streymisveitum og er nær uppseld á vínyl.Marínastarfar einnig sem söngkennari við frábæran orðstýr. 

Syngjum saman í Hannesarholti með Marínu Ósk

Opnun sýningarinnar ,,Enginn karlaklúbbur" eftir Sísí Ingólfsdóttur í Hannesarholti laugardaginn 25.febrúar kl.14.

Sísí Ingólfsdóttir er fædd árið 1986 og býr og starfar í Reykjavík. Sísi hefur verið upptekin af kynjahlutverkum og birtingarmyndum þeirra. Sjálf er hún ekki nema fimm barna móðir með blússandi adhd og kann ekki muninn á hægri og vinstri. Sísí lauk BA gráðu í Listfræði frá Háskóla íslands og MA gráðu í myndlist frá Listaháskóla Íslands. Hún er grjótharður femínisti og verkin hennar eru oftar en ekki sjálfsævisöguleg með tilvísun í listasöguna og samtímann. Þannig myndast einhverskonar samsláttur á opinberu- og einkarými listamannsins. Sísí nálgast viðfangsefnið af móðurlegri mildi með húmorinn að vopni.

Á sýningunni, ,,Enginn karlaklúbbur", veltir Sísí fyrir sér stöðu konunnar og frelsi hennar til þess að taka sér pláss. Með fígúratívum teikningum leikur hún sér að hlutgervingu konunnar við hlið steríótýpu hins hvíta miðaldra karlmans. Þó að „réttur“ kvenna (og annara kynjahópa) hafi vissulega skánað með áratugunum þá virðumst við enn vera háð römmum feðraveldisins, þess meingallaða kerfis sem hampar einum á kostnað annars. Þetta er ekki lengur eingöngu karlaklúbbur, nú eiga allir að fá að vera með, enda þarf alls ekki einn að falla til þess að annar geti risið.

Það getur verið mikilvægt að skoða fortíðina í ljósi samtímans og öfugt. Því fortíð og nútíð eru nefnilega ekki hreinar andstæður. Við þurfum samt ekki að láta úreltar hugmyndir fortíðar fylgja okkur. Engin ástæða til að fara aftur til þess sem áður var.

Þurfum við að láta græðgi og hræðslu stjórna hver fær að gera hvað? Hvernig við eigum að bera okkur að? Hverju við eigum að klæðast, hvernig við tölum, hvað við segjum, hvað við gerum.. Það er réttur hvers og eins að taka pláss.

Sísi veltir fyrir sér fáránleika þessa alls og tvinnar saman ólíkum pólum með myndheimi sínum. Hún vinnur með húmor og notast til þess einfaldar og hreinar línur með skýru litavali.

Allir græða á valdeflingu konunnar, líka miðaldra gaurinn.
Sýningin er opin á opnunartíma Hannesarholts, frá 11.30-16 alla daga nema sunnudaga og mánudaga. 

Enginn karlaklúbbur - Sísí Ingólfsdóttir sýningaropnun

Hannesarholt býður uppá ríflega klukkustundarlanga sögugöngu um gamla miðbæinn.

Farið verður frá Hannesarholti niður Skálholtsstíg, Læknargötu, um Skólabrú niður á Austurvöll, Aðalstræti, Austurstræti, Bernhöftstorfu, Amtmannsstíg, Þingholtsstræti, Ingólfsstræti og aftur upp á Grundarstíg í Hannesarholt.

Litið verður til baka í tíma, skoðuð helstu kennileiti, heimili Hannesar Hafstein og heimili forystukvenna í samfélaginu sem nefndar eru í sýningunni Konur, áhrifavaldar í lífi Hannesar Hafstein.

Ókeypis er í gönguna, sem var styrkt af Miðborgarsjóði.

Romain Collin og gestir hans halda áfram að kanna  landslag tækifæranna í blöndu akústískrar tónlistar og elektrónískrar í frjálsum  spuna. Romain opnaði tónleikaröð sína 2023 í Hljóðbergi Hannesarholts með Bergi Þórissyni og heldur nú áfram með tónskáldinu Viktori Orra Árnasyni.

"I first had a chance to meet Viktor Àrnason when he was directing the string section at Bjork's very first Orkestral show at Harpa. Viktor's writing and string arrangements are truly unique and have defined the contemporary aesthetics in neo-classical music and film scoring. We are excited to explore soundscapes and sonic possibilities together, with piano and violin and electronics."

///// Takmarkaður sætafjöldi. Miðar aðeins seldir á tix.is /////

Romain Collin and guests continue to explore the landscape of opportunities in their fusion of acoustic and electronic music and improvisation. Romain opened his 2023 concert series in Hannesarholt's Hljóðberg with Bergur Þórisson and now continues the series with composer Viktor Orri Árnason.


Romains thoughts on this concert:
"I first had a chance to meet Viktor Àrnason when he was directing the string section at Bjork's very first Orkestral show at Harpa. Viktor's writing and string arrangements are truly unique and have defined the contemporary aesthetics in neo-classical music and film scoring. We are excited to explore soundscapes and sonic possibilities together, with piano and violin and electronics."

///// Limited number of seats. Tickets only sold at tix.is /////

Romain Collin and guests - Viktor Orri Árnason

Tónlistarkonan Eydís Evensen gaf út sína fyrstu breiðskífu árið 2021 undir Sony (New York & Berlín) imprint XXIM Records. Síðan þá hefur hún spilað fjölda tónleika víða um Evrópu auk annarra heimsálfa og hlotið mikið lof fyrir. 

Árið 2021 tók hún þátt í KEXP At Home Sessions streymistónleika sem hlaut flestu áhorf allra streymistónleika í KEXP tónleikaseríunni í COVID. Eydís hefur spilað í Royal Albert Hall í London, á ARTE Concert Festival í París þar sem hún spilaði í Gaîtè Lyrique ásamt heimsþekkta tónlistarmanninum Damon Albarn. Nýverið spilaði hún fyrir og heillaði hóp alþjóðlegra fagmanna í tónlistargeiranum á Eurosonic Festival í Groningen Hollandi. 

Það eru stórir hlutir framundan hjá Eydísi 2023 svo ekki missa af einlægum og hjartnæmum tónleikum hennar í Hannesarholti 24. febrúar.

„Aftur í hring“ er sjálfstætt framhald af fyrri sýningu Hörpu Másdóttur á hringlaga málverkum þar sem hún heldur áfram að endurhugsa hinn hringlaga flöt með því að byggja upp, rífa niður, afmá og byggja upp á ný. Allt getur gerst í öruggu umhverfi hringformsins og hringnum er lokað.

Opnun laugardaginn 4. febrúar kl.14:00-16:00


Sýningin stendur til 23. febrúar 2023
Opið alla daga vikunnar frá kl.11:30-16:00 nema sunnudaga og mánudaga

"Aftur í hring" Opnun á málverkasýningu Hörpu Másdóttur í Hannesarholti

Samtal um glerunga / Glaze Dialogue

Blessuð sólin

Syngjum saman með Sigurkarli og Auði

Útskriftartónleikar LHÍ 2023 // Ása Ólafsdóttir

Morgunstund með Hermanni Stefánssyni

Myndlistarsýning ,,Ný goð" Stefán Boulter

Fellur niður - síðdegisstund með hjónunum Didda fiðlu og Ásgerði Ólafsdóttur

Syngjum saman í Hannesarholti með Þorgerði Ásu

Óskar Ólason - 100 ár

Lifi ljóðið - tónlistarhátíð

„Fyrir frelsi – Barāye āzādi“

Marta Margrét Rúnarsdóttir opnar ljósmyndasýningu sína í Hannesarholti - Fólk eins og við

Með þér – útgáfutónleikar

Syngjum saman í Hannesarholti með Jóhanni og Gunnari Kr.

Syngjum saman í Hannesarholti með Marínu Ósk

Enginn karlaklúbbur - Sísí Ingólfsdóttir sýningaropnun

Söguganga um hjarta gömlu Reykjavíkur

Romain Collin and guests - Viktor Orri Árnason

Eydís Evensen í Hannesarholti

"Aftur í hring" Opnun á málverkasýningu Hörpu Másdóttur í Hannesarholti