„Aftur í hring“ er sjálfstætt framhald af fyrri sýningu Hörpu Másdóttur á hringlaga málverkum þar sem hún heldur áfram að endurhugsa hinn hringlaga flöt með því að byggja upp, rífa niður, afmá og byggja upp á ný. Allt getur gerst í öruggu umhverfi hringformsins og hringnum er lokað.
Harpa verður á staðnum og veitir leiðsögn um sýningu sína á þriðjudaginn 21.febrúar kl.14-16.
Opið þri-lau milli kl.11:30-16:00

Síðustu sýningardagar - "Aftur í hring" leiðsögn um sýningu

Romain Collin og gestir hans halda áfram að kanna  landslag tækifæranna í blöndu akústískrar tónlistar og elektrónískrar í frjálsum  spuna. Romain opnaði tónleikaröð sína 2023 í Hljóðbergi Hannesarholts með Bergi Þórissyni og heldur nú áfram með hinni töfrandi GDRN.

,,I have had the chance to perform twice at Hannesarholt with GDRN and Ari Karason. I am excited to explore an intimate repertoire of duos with GDRN, whose voice lends itself so naturally to a wide range of musical styles. We will perform some of Gudrun's original compositions, some of mine, and some covers of pop and jazz standards."

///// Takmarkaður sætafjöldi. Miðar aðeins seldir á tix.is /////

Romain Collin and guests continue to explore the landscape of opportunities in their fusion of acoustic and electronic music and improvisation. Romain opened his 2023 concert series in Hannesarholt's Hljóðberg with Bergur Þórisson and now continues the series with the stunning GDRN.  


Romains thoughts on this concert:
"I have had the chance to perform twice at Hannesarholt with GDRN and Ari Karason. I am excited to explore an intimate repertoire of duos with GDRN, whose voice lends itself so naturally to a wide range of musical styles. We will perform some of Gudrun's original compositions, some of mine, and some covers of pop and jazz standards."  

///// Limited number of seats. Tickets only sold at tix.is /////

Laugardaginn 18. febrúar kl. 13.00 býður listakonan Harpa Másdóttir gestum í leiðsögn um sýningu sína Aftur í hring, sem prýðir veitingastofur Hannesarholts til 23. febrúar.

„Aftur í hring“ er sjálfstætt framhald af fyrri sýningu Hörpu Másdóttur á hringlaga málverkum þar sem hún heldur áfram að endurhugsa hinn hringlaga flöt með því að byggja upp, rífa niður, afmá og byggja upp á ný. Allt getur gerst í öruggu umhverfi hringformsins og hringnum er lokað.

Laugardaginn 18.febrúar kl. 11 ætlar Stefán Jón Hafstein að ræða bók sína Heimurinn eins og hann er við gesti Hannesarholts.

Bókin kom út í haust og hefur staðið undir því að vera ,,bókin sem talað er um“ því hún hefur verið til umræðu í fjölmörgum spjallþáttum og viðtölum prentmiðla. Silfrið, Kiljan, Gísli Marteinn, Sverrir Norland á Rás 1 og fjölmörg hlaðvörp hafa gert umræðuefninu skil. Stefán Jón segir að margir klúbbar og félagasamtök hafi boðið til umræðufunda svo nú finnist honum rétt að hafa opinn fund ,,fyrir hvern sem er og ókeypis inn“.

Hannesarholt kynnir sig sem Hús heimsmarkmiðanna svo það er einkar viðeigandi að hittst þar yfir morgunkaffi.

Stefán Jón notar form persónulegrar heimildasögu til að gefa lesanda leiðarvísi að betri skilningi á stöðu heimsins eins og hann er.  ,,Þessi saga er ekki einungis um raunverulegar ógnir. Hún er ákall til okkar, mannanna, um að elska allt sem lífsanda dregur“ segir höfundur. ,,Frábær leiðsögumaður“ segja gagnrýnendur Kiljunnar og hlustendur á Storytel gefa 4,5 stjörnur af fimm mögulegum.

Aðgangur er ókeypis og fundurinn stendur í rúma klukkustund.

Heimurinn eins og hann er – morgunkaffifundur í Hannesarholti með Stefáni Jóni

Romain Collin opnaði tónleikaröð sína 2023 í Hljóðbergi Hannesarholts á heillandi tónleikum á mörkum elektrónískrar tónlistar og akústískrar með Bergi Þórissyni, tónskáldi og tónlistarstjóra. Romain heldur nú för sinni áfram í tónleikaröðinni með einleikstónleikum í Hljóðbergi Hannesarholts.

Um tónleikana segir Romain sjálfur:
"This concert of solo piano music I will be performing some of my originals, jazz standards and pop covers. Solo piano is incredibly special, as there is no safety net and no way to know which direction things will take. I am scheduled to record a solo piano album this summer, slated for release at the end of '23. "

Romain Collin opened his 2023 concert series in Hannesarholt's Hljóðberg with a fascinating concert oscillating between electronic and acoustic music, in collaboration with Bergur Þórisson, composer and music director. Romain now continues his journey in the concert series with a solo concert in Hannesarholt's Hljóðberg. 

Romains thoughts on this concert:
"This concert of solo piano music I will be performing some of my originals, jazz standards and pop covers. Solo piano is incredibly special, as there is no safety net and no way to know which direction things will take . I am scheduled to record a solo piano album this summer, slated for release at the end of '23."

///// Limited number of seats. Tickets only sold at tix.is /////

Söngstund eins og við þekkjum öll í Hannesarholti. Í tilefni af því að tíu ára afmælinu eru förum við aftur í gang með söngstundir fyrir almenning. Svana Víkingsdóttir píanókennari heldur utanum Syngjum saman með Hvassófjölskyldunni laugardaginn 11.febrúar kl.14:00 Tíu ár síðan Hannesarholt opnaði formlega 8.febrúar og svo kom leyfið 13.febrúar. Söguleg tímamót.

Sumir eru svo lánsamir að alast upp við söng og sameiginlega tónlistariðkun fjölskyldu og vina. Þannig var með þessa fjölskyldu, sem ólst upp í Hvassaleiti og fékk gjarnan nágranna og vini í heimsókn á gamlárskvöld þar sem sungið var og leikið fram á nýtt ár.

Eins og áður birtast textar á tjaldi og allir geta sungið með.

Streymt verður frá stundinni á Facebook-síðu Hannesarholts svo að hægt verður að njóta áfram, jafnvel þótt fólk komist ekki í Hannesarholt.

Syngjum saman í Hannesarholti með Hvassófjölskyldunni

Burtfloginn kjúklingur og teiknaðar kartöflur
- Inga Höskuldsdóttir sýnir ný verk í Veitingastofum Hannesarholts -

////// OPNUN 14. janúar kl. 15:30 - 17:30 //////

Við matargerð og neyslu matvæla fellur ýmislegt frá í ruslafötuna, þar á meðal afskurður af grænmeti og ávöxtum. Þessi afskurður er litríkur, fallegur og ferskur en er samt sem áður alla jafna flokkaður sem sorp. Samkvæmt rannsóknum endar um þriðjungur af matvælum í ruslinu.

Inga Höskuldsdóttir nýtir sér þennan efnivið í myndsköpun sína. Með því leitast hún við að setja hráefnin í nýtt samhengi, að draga fram fegurð úr því sem alla jafan þykir ljótt og ógeðslegt, og varpa þannig ljósi á eina birtingarmynd neysluhyggjunnar.

Hér er hægt að staldra við, að velta fyrir sér nýtingu matvæla og leiða hugann að uppruna þeirra. Hvaðan kemur matvaran? Er hún úr nærumhverfinu eða hefur hún flogið yfir hálfan hnöttinn?

Í myndum Ingu tekur margslungið æviskeið saklausrar kartöflu (og annara tegunda) á sig nýja mynd og við sjáum hana í öðru ljósi.

Inga Höskuldsdóttir starfar við matargerð samhliða því að sinna listinni.

Facebook viðburðurinn er hér:
https://www.facebook.com/events/643538957525727

Burtfloginn kjúklingur og teiknaðar kartöflur - sýning í Hannesarholti

Romain Collin og Bergur Þórisson halda áfram að kanna  landslag tækifæranna í að blanda akústískri tónlist og elektrónískri í frjálsum  spuna. Romain opnar tónleikaröð sína 2023 í Hljóðbergi Hannesarholts með þessu sérstaka samstarfi laugardagskvöldið 28. janúar kl.20. Tvíeikið er að vinna í  annari breiðskífu sinni á meðan Romain dvelur á Íslandi, en þeir munu taka upp tónleikana , fyrsta platan þeirra er væntanleg á Edition Records í júní '23.

Takmarkaður sætafjöldi. Miðar aðeins seldir á tix.is

Romain Collin and Bergur Þórisson keep on exploring the landscape of sonic possibilities by mixing acoustic and electronic music in free improvisations. Romain opens his 2022 concert series at Hannesarholt's Hljóðberg with this special collaboration on Saturday evening, January 28 at 8pm. Currently working on their second album, the duo will be recording the concert as their first record is slated for release on Edition Records in June '23.

Limited number of tickets only sold at tix.is

Romain Collin and guests - Bergur Þórisson

Fæðingardegi W.A.Mozarts verður fagnað í Hljóðbergi Hannesarholts föstudaginn 27.janúar kl.17 með tónleikum í boði Reykjavíkurborgar og Hannesarholts.
Flytjendur eru: Domenico Codispoti píanóleikari, Laufey Sigurðardóttir fiðluleikari og Bryndís Halla Gylfadóttir sellóleikari.

Á efnisskránni verður sónata fyrir píanó og fiðlu í B-dúr K 454, tríó fyrir píanó, fiðlu og selló í E-dúr K 542 og sónata fyrir píanó og selló í E-dúr eftir Franz Xaver Wolfgang Mozart, yngsta barn afmælisbarnsins. Síðastnefnda verkið heyrist sennilega í fyrsta sinn á Íslandi á þessum tónleikum.

Tónleikarnir eru ókeypis og öllum opnir. Gott aðgengi er fyrir hjólastóla í Hannesarholti. Streymt verður frá viðburðinum á Facebook-síðu Hannesarholts.

Tónleikar á afmælisdegi W.A.Mozarts í boði Reykjavíkurborgar og Hannesarholts

Hátíðardagskrá - 100 ára ártíð Hannesar Hafstein

Útgáfutónleikar plötunnar Geymt og gleymt.

Þórunn  Elísabet myndlistarkona opnar í Hannesarholti sýningu sem hún nefnir  „Himneskt er að lifa“ miðvikudaginn 14.september kl.16-18. 
„Sýningin  er hugsuð útfrá Hannesi Hafstein, húsinu og sögunni. Bæði sögu Hannesar  og fjölskyldu og þeirra sem komu á eftir í húsið. Ómur af lífi og  tilfinningum. Texti Hannesar, lín og klæði alls staðar að. Fyrir utan  dásamlega orðsnilld Hannesar og nýyrðasmíði var hann opinn fyrir  sorginni sinni. Jafningi allra, jafnt barna, kvenna og kóngafólks," segir Þórunn. 


Sýningin er opin alla daga sem Hannesarholti er opið: alla daga nema sunnudaga og mánudaga kl.11:30-16 og stendur út árið.



Allir velkomnir.

Kammerhópurinn Jökla kveður  sér hljóðs sumarið 2021 með tónleikum þar sem koma fram tveir  framúrskarandi tréblásaraleikarar úr íslensku tónlistarlífi og leika með  okkur blásarakvartetta eftir B.Britten, J.C.Bach og Crusell. Þar ber  hæst tvo óbókvartetta sem Julia Hantschel, leiðandi óbóleikari SÍ leikur  með okkur, eftir B.Britten og J.C.Bach. Einnig mun Grímur Helgason,  klarinettuleikari SÍ leika með okkur klarinettkvartett eftir B.H.  Crusell. Að endingu mun kammerhópurinn einnig frumflytja glænýtt verk  eftir Gísla Magnússon tónskáld. Guðrún Hrund Harðardóttir víóluleikari  verður okkur einnig til halds og traust á mjúka miðsviðinu.

Hugmyndin að Kammerhópnum Jöklu kom frá Guðnýju Jónasdóttur  sellóleikara og Gunnhildi Daðadóttur fiðluleikara á vormánuðum 2020 en  loksins kemur hópurinn með ferskan andvara inn í íslenskt tónlistarlíf  að lokinni Covid-dvöl. Hópurinn leggur áherslu á samstarf við íslensk  tónskáld, leikur sér með íslenskan þjóðlagaarf og opnar fyrir nána  samvinnu í litlum kammerhópum. Hljóðfæraleikarar hafa allir sannreynt  getu sína og leika í Sinfóníuhljómsveit Íslands en þykir mikilvægt að  geta tekið þátt í íslenskri tónlistarmenningu með öðru sniði. Blönduð  hljóðfæraskipan gerir okkur kleift að leika sjaldheyrð tónverk úr allri  tónlistarsögunni í bland við nýja á tónleikum.

Sigríður Bachmann sagnfræðingur tekur á móti gestum á sýninguna Konur –  Áhrifavaldar í lífi Hannesar Hafstein. Boðið verður upp á leiðsögn kl  15. laugardagana 29. maí, 5., 12. og 19. júní. Áhugasamir vinsamlegast  skrái sig á hannesarholt@hannesarholt.is

Konur - Áhrifavaldar í lífi Hannesar Hafstein

Ingólfur  Steinsson kynnir plötu sína, Bernskubrek, á tónleikum í Hannesarholti,  klukkan 20 föstudaginn 18. júní næstkomandi. Lögin á plötunni fjalla um  æskuárin á Seyðisfirði þar sem Ingólfur fæddist og ólst upp. Horft er  til sjötta og sjöunda áratugarins og uppvaxtarárin skoðuð með augum hins  fullorðna. Einnig er reynt að ganga inn í hugarheim æskunnar og lýsa  henni með augum barnsins. Flest eiga lögin rætur í þjóðlögum og  þjóðlagarokki.

Ingólfur hefur gefið út nokkra diska með eigin efni en á árum áður var hann meðlimur í hljómsveitinni Þokkabót.

Tónleikar Ingólfur Steinsson - Bernskubrek

Afrískur  andi svífur yfir vötnum í Hannesarholti laugardagskvöldið 12.júní þar  sem Björk Guðmundsdóttir tónlistarkona þeytir skífum í Hljóðbergi frá  kl.18-22 og mun tónlistin hljóma um allt hús. Afríka er viðfangsefnið  bæði í tónlist og mat. Afríkönsk matarveisla, 6 rétta, úr smiðju Alex  Jallow , stofnanda Ogolúgo, í samstarfi við kokka Hannesarholts, verður  borin fram á fyrstu og annarri hæð hússins. Tónlistarferðalag um Afríku  með alþjóðlegu ívafi hefst á rólegri og alvarlegri nótum kl.18 í  Hljóðbergi, en takturinn og fjörið færist í leikinn kl.20. Gestir geta  dansað við taktfasta tónlistina eða setið og rabbað saman. Matur er  borinn fram á milli 18 og 19:30.

Aðeins er hægt að kaupa miða á Björk dj sett og Afríkanska veislu á tix.is

DJ Björk í Hannesarholti á Afrískum Nótum

Listasýningin  „Ljóð í máli og myndum“ eftir Margret Schopka, hefst með opnun  laugardaginn 12. júní kl.15:00-17:00 í Hannesarholti. Sendiherra  Þýskalands hr. Dietrich Becker ávarpar gesti við opnunina.

Hannesarholt og á-rás fyrir Grensás  kynna sýninguna Grín fyrir Grensás ( Kolsvart – Sex, Drugs and  Rock&Roll) þar sem Valdimar Sverrisson ljósmyndari slær á G-streng  og aðra létta strengi um  það að greinast með heilaæxli á stærð við  sítrónu og missa sjónina í kjölfarið.  Valdimar vaknaði upp við vondan  draum á Grensásdeild Landspítalans þegar hann áttaði sig á að hann hafði  ekki enn látið gamlan draum rætast um að gerast uppistandari. Það  var  því ekki eftir neinu að bíða með að ganga í verkið og verður  afraksturinn fluttur í Hannesarholti, bæði uppistand og grínmyndbönd   þar sem fram koma Ari Eldjárn og Örn Árnason auk fjölda annarra úr  stafrófinu frá A til Ö. Því eins og Valdimar segir sjálfur: Að búa til  myndband er það minnsta sem blindur maður getur gert.

100% af aðgangseyri rennur til Grensás.

Valgerður  Jónsdóttir, tónlistarkona frá Akranesi, á að baki langan og  fjölbreyttan feril í tónlistinni og á orðið mikið safn laga og texta sem  hún hefur samið gegnum tíðina.

Á dagskrá  tónleikanna verður fjölbreytt blanda af tón- og textasmíðum Valgerðar en  hún hefur bakgrunn í klassískri tónlist sem og popp og þjóðlagatónlist  og endurspeglast þessi áhrif í tónlist hennar. Valgerður syngur og  leikur á píanó/gítar en með sér á tónleikunum hefur hún frábæran hóp  samstarfsfólks sem hún hefur unnið með áður við ýmis tónlistartengd  verkefni. Þá verða flutt nokkur íslensk þjóðlög í bland við frumsömdu  lögin. Gaman er að geta þess að á tónleikunum verður flutt lag  Valgerðar, Áraskiptin 1901-1902, sem hún samdi við ljóð Hannesar  Hafstein, en lagið hlaut 1. verðlaun í Lagakeppni Hannesarholts haustið  2020.

Með Valgerði á tónleikunum leika:
 Þórður Sævarsson gítar
 Sylvía Þórðardóttir harmonikka, ukulele og söngur
 Sveinn Arnar Sæmundsson píanó
 Arnar Óðinn Arnþórsson trommur
 Sveinn Rúnar Grímarsson bassi

Tónar og ljóð Valgerðar í Hannesarholti

Á  föstudaginn 28. maí kl 20 opnar Snorri Ásmundsson tvær sýningar í  Hannesarholti.  Fyrst má nefna einkasýningu á nýjum málverkum sem Snorri  hefur málað í dvöl sinni í skógum Svíþjóðar, en þar hefur hann dvalist  síðusta árið langt inni í skógi í Nössemark í Svíþjóð ásamt 2 köttum og  lítið samneyti haftvið annað mannfólk í raunheimum. Á neðri hæð í  Salnum, tónlistarrými Hannesarholts hefur verið sett upp ljósmyndasýning  þar sem listamennirnir Snorri Ásmundsson og Kristján Frímann  Kristjánsson tóku sig saman og fóru á tímaflakk. Í þessari fyrstu ferð  þeirra um tímann var hernám Íslands og hernámsárin 1940 – 1945 skoðuð og  mynduð. Á þessum ferðum þeirra um Ísland í seinni heimsstyrjöldinni  kynntust þeir sagnfræðigrúskaranum Þór Eysteinssyni sem hefur verið þeim  hjálplegur að lesa myndirnar og skýra merki og tákn sem birtast í  myndunum.

Síðustu sýningardagar - "Aftur í hring" leiðsögn um sýningu

Romain Collin and guests - GDRN

Aftur í hring - leiðsögn um sýningu

Heimurinn eins og hann er – morgunkaffifundur í Hannesarholti með Stefáni Jóni

Romain Collin - einleikstónleikar

Syngjum saman í Hannesarholti með Hvassófjölskyldunni

Burtfloginn kjúklingur og teiknaðar kartöflur - sýning í Hannesarholti

Romain Collin and guests - Bergur Þórisson

Tónleikar á afmælisdegi W.A.Mozarts í boði Reykjavíkurborgar og Hannesarholts

Hátíðardagskrá - 100 ára ártíð Hannesar Hafstein

Guðmundur Andri og félagar

Himneskt er að lifa

Kammerhópurinn Jökla Blæs Sumarvinda

Konur - Áhrifavaldar í lífi Hannesar Hafstein

Tónleikar Ingólfur Steinsson - Bernskubrek

DJ Björk í Hannesarholti á Afrískum Nótum

Ljóð í máli og myndum

Grín fyrir Grensás

Tónar og ljóð Valgerðar í Hannesarholti

Listasýning - Snorri Ásmundsson