Elísabet Ásberg veitir leiðsögn um sýningu sína KJARNI í Hannesarholti laugardaginn 16.mars kl.13.30-16.00.

Elísabet er fædd í Keflavík 1967. Náttúran og fólk eru Elísabetu innblástur og notast hún við málma og ýmis náttúruleg efni í sínum verkum. Elísabet túlkar hugarheim sem hún tengir oftar en ekki við tilfinningar og hefur túlkað hugtökin "Jafnvægi", "Kjarni", "Krossgötur" og "Flæði" í verkum sínum sem dæmi. Auk þess skapar hún stór málmverk eftir óskum sem prýða fjölmörg íslensk og erlend heimili og vinnustaði. Þá skartar heimabær hennar Keflavík, stóru útilistaverki eftir listakonuna en einnig á hún stórt verk í EFTA dómshúsinu í Lúxembourg þar sem hún er í góðum félagsskap íslenskra listamanna, íslenskra og erlendra.

Á þessari sýningu má sjá verk sem túlka hugtökin "Jafnvægi" og "Kjarni". Sýningin er sölusýning þetta er síðasta sýningarhelgi, en sýningin stendur til 19. mars.

Elísabet Ásberg - Leiðsögn um sýninguna Kjarni

Kjartan Ari Pétursson segir frá verkunum á myndlistarsýningu sinni SPÍRALAR INNÍ SPÍRALA í Hannesarholti þriðjudaginn 20.febrúar kl.13-14. 

Kjartan er fæddur í Reykjavík 1972. Hann fæst við teikninginguna, með penna. Verk hans eru tvívíð, en innan myndarammans rúmast hyldýpi sem skapast við tímakrefjandi hreyfingar handar og auga við teikninguna, "sem hefst á einum punkti á blaði og hringgerist, gárast eða bylgjugerist í þær áttir sem hugurinn beinir þeim í, í ákveðnu flæðis-ástandi, utan tíma og út fyrir myndarammann." Kannski má líta á verkin sem mynd af undirvitund?

Sýningin er sölusýning og stendur til 27.febrúar.

Kjartan Ari Pétursson - Leiðsögn um sýningu

Opnað fyrir umsóknir vegna málverkasýninga í Hannesarholti. Umsóknarfrestur er til 20.febrúar. Fyrst og fremst er gert ráð fyrir sýningarrými í veitingastofum Hannesarholts á 1.hæð á Grundarstíg 10. Sýningar standa alla jafna yfir í 3 vikur og miðað er við sölusýningar. Umsækjendur sendi póst á hannesasarholt@hannesarholt.is merkt UMSÓKN UM MYNDLISTARSÝNINGU 2024. 


Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með dóttur sinni þar til að heimsfaraldurinn truflaði taktinn. Um leið og við minnumst hennar og heiðrum viljum við taka hana okkur til fyrirmyndar. Söngurinn fylgdi henni ævina út, en hún lést 11.júlí síðastliðinn 2023. Frítt er inná Syngjum saman í Hannesarholti í hennar minningu. Söngstundin er haldin reglulega kl.14 á laugardögum á eftirfarandi dagsetningum.

Textar á tjaldi svo allir geta sungið með. Allar kynslóðir velkomnar.

Systur                                                                           30.september

Pálmar Ólafsson og Magnea Tómasdóttir                 14.október

Harpa Þorvaldsdóttir                                                   28.október

Skotfjelagið                                                                  11.nóvember

Domus Vox                                                                   25.nóvember

Þráinn Árni Baldvinsson                                              9.desember

Hvassógengið                                                              27.janúar

Jóhann Vilhjálms og Gunnar Kr.Sigurjónsson           10.febrúar

Svavar Knútur                                                              24.febrúar

Benni Sig og Sveinn Arnar                                          9.mars

Vala og Óskar Logi                                                      23.mars          

Harpa Þorvalds                                                            6.apríl             

Þórunn Björnsdóttir                                                     20.apríl           

Ísold Wilberg                                                                4.maí              

Þorgerður Ása Aðalsteinsdóttir                                  11.maí

Syngjum saman í Hannesarholti veturinn 2023-2024

Píanistinn Romain Collin, sérlegur vinur Hannesarholts, hefur snúið aftur í listamannadvöl í Hannesarhorni og stendur fyrir tónleikafernu á næstu vikum, Romain Collin & gestir 2024, þar sem hann býður til samstarfs framúrskarandi listamönnum. Romain Collin, sem var tilnefndur til Grammy verðlauna 2020, hefur verið reglulegur gestur á Íslandi síðustu ár, og þetta er þriðja tónleikaröðin sem hann stendur fyrir í Hannesarholti.

ROMAIN COLLIN & GESTIR Í HANNESARHOLTI 2024.

Romain Collin & GDRN sunnudaginn 28.janúar kl.19

Romain Collin & Óskar Guðjónsson laugardaginn 2.febrúar kl.20

Romain Collin & S.Carey föstudaginn 9.febrúar kl.20

Romain Collin solo Frumsýning FOSS shapeless 17.febrúar kl.20/19

Sindri og Sigurjón hjá Flóru veisluþjónustu bjóða reglulega uppá margrétta matarveislur á kvöldin í Hannesarholti. 20.janúar var veganveisla, 3.febrúar verður fiskiveisla og 8.febrúar afmælisveisla Hannesarholts. Alla jafna er matast í veitingastofum Hannesarholts á 1.hæðinni á Grundarstíg 10 og hægt að bóka borð með því að kaupa miða á tix.is 

Mikil ánægja hefur verið með þær matarveislur sem þegar hafa verið í Hannesarholti á vegum Flóru veisluþjónustu og er spenningur fyrir að þróa þetta samstarf áfram. 

Kvöldveislur Hannesarholts og Flóru veisluþjónustu

Jólaveislur Hannesarholts og Flóru veisluþjónustu 15.og 16.desember

Uppselt á Gérard Lemarquis og Les Métèques - Kvöldstund með Brassens  

Uppselt er á kvöldstundina með einlægum Brassens-aðdáendum sem kynna átrúnaðargoðið sitt og syngja uppáhalds Brassens lögin sín í Hannesarholti fimmtudaginn 9.nóvember kl.20.

Georges Brassens er eitt dáðasta söngvaskáld Frakka og tónlist hans og textar eru órjúfanlegur hluti af franskri þjóðarsál. Brassens var fæddur 22. október 1921 og því eru 102 ár frá fæðingu hans um þessar mundir. Hann var mikill anarkisti og trúleysingi og klámfengnir textar hans ollu mikilli hneykslun hjá frönskum góðborgurum á síðustu öld.

Les Métèques: Ásta Ingibjartsdóttir (söngur), Eyjólfur Már Sigurðsson (söngur og gítar), Olivier Moschetta (söngur og bassi), Ragnar Skúlason (fiðla). Sögumaður er Gérard Lemarquis.

Uppselt á kvöldstund með Brassens - Gérard Lemarquis og Les Métèques 

Vigdís Grímsdóttir kemur skemmtilega á óvart. Í tilefni af stórafmæli hennar í sumar verður bæði hátíð og myndlistarsýning í Hannesarholti í nóvember. Til að fagna þeim tímamótum verður haldin samverustund henni til heiðurs þann 4. nóvember í Hannesarholti, þar sem m.a. verður lesið úr verkum hennar. 

Sama dag kemur út skáldsaga Vigdísar, Ævintýrið, auk þess sem opnuð verður málverkasýning með verkum hennar. Sýningin stendur til 15.nóvember og er opin alla jafna á opnunartíma Hannesarholts, alla daga nema sunnudaga og mánudaga kl.11:30-16:00.

Hanna María Karlsdóttir og Ragnheiður Steindórsdóttir

Ævintýri með Vigdísi Gríms sjötugri

Harpa Þorvaldsdóttir stýrði Syngjum saman í Hannesarholti laugardaginn 28.október kl.14. Harpa er gestum Hannesarholts að góðu kunn, enda hefur hún margoft stýrt söngstund í Hannesarholti. Harpa er stofnfélagi í hljómsveitinni Brek, tónlistarkona og lagahöfundur, og hefur stýrt söngmennt í Laugarnesskóla og með eldri borgurum í bænum árum saman.

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með mér þar til heimsfaraldurinn truflaði taktinn. Um leið og við minnumst hennar og heiðrum, viljum við taka hana okkur til fyrirmyndar. Söngurinn fylgdi henni ævina út, þar til hún lést 11.júlí síðastliðinn. Frítt er inná Syngjum saman í minningu hennar í vetur, textar á tjaldi og allir geta sungið með. Allar kynslóðir velkomnar.

Harpa Þorvaldsdóttir stýrir syngjum saman 28.október

Tónleikar Alexöndru Chernyshovu í Hannesarholti fimmtudaginn 26.október kl.20.  

Alexandra Chernyshova – óperusöngkona og tónskáld 

Kjartan Valdemarsson – píanóleikari 

Í október verða tuttugu ár síðan Alexandra fylgdi hjarta sínu og elti ástina til Íslands. Því verður fagnað með tónleikum og þakklæti til íslendinga fyrir öll árin. Á efnisskrá tónleikanna verða flutt úrval klassískra sönglaga úr 20 ára söngævintýri Alexöndru við undirleik Kjartans Valdemarssonar.

Alexandra hefur haldið yfir tvö hundruð tónleika á Íslandi, sett upp tíu óperur, samið fjórar óperur, tvær sinfóniur, gefið út geisladiska, stofnað óperufélög, tónlistarfélög, stýrt kórum og tónlistarhátíðum. Hún er með meistaragráðu í tónlist frá Listaháskóla Íslands og meistaragráðu í menningarstjórnun úr Háskólanum á Bifröst. Alexandra fekk Menningarverðlaun Reykjanesbær – Súluna, komst í top 10 ungra íslendinga fyrir afrek sin á sviði menningar á Íslandi og var í fyrsta sæti á alþjóðalegri tónskáldakeppni Isak Dunajevskiy,  fekk Bronze verðlaun í Mozart International Award fyrir söng sinn og fleira mætti telja.

Verið hjartanlega velkomin, hægt er að tryggja sér á tix.is 

Jónas Árnason hefði fagnað 100 ára afmæli á þessu ári hefði hann lifað. Af því tilefni mætir söngfélagið Uppsigling í Hannnesarholt laugardaginn 21.október kl.14 og syngur lög Jónasar Árnasonar með gestum. Textar á tjaldi og allir geta sungið með. Frítt inn.

Hér að neðan getur að líta lýsingu á félagsskapnum Uppsiglingu, með þeirra eigin orðum:

Söngfélagið Uppsigling er óformlegt félags fólks sem hefur gaman af að syngja með frjálslegu sniði. Við komum saman annan hvern föstudag yfir veturinn og syngjum okkur til ánægju við eigin undirleik. Flestir eru úr Reykjanesbæ, en einnig fólk úr Sandgerði, Garði, Vogum og fáeinir af höfuðborgarsvæðinu.

Oftast syngjum við saman í Skátaheimilinu í Keflavík en af og til á hjúkrunarheimilum eða í heimahúsum söngfélaga. Það mæta á bilinu 10 – 25 manns í senn sem er ágætur fjöldi fyrir hópsöng af þessu tagi.

Tilgangurinn með félaginu er að fólk fái tækifæri til að syngja saman, þjálfast í einföldum samsöng, læra lög og texta og hafa af því gaman.  Á sama hátt tækifæri fyrir hljóðfæraleikara að halda sér í þjálfun og þróa sinn stíl. Einnig að halda lífi í gömlum lögum og textum sem margir eru búnir að gleyma og heyrast of sjaldan. 

Jafnan er leikið með á gítara, mandólín, bassa, ýmis ásláttarhljóðfæri, stundum harmóniku og stöku sinnum fiðlu. Við sitjum gjarna í hring og syngjum saman með  textamöppur við hönd, sem geyma gömul vinsæl dægurlög, þjóðlög og einnig frumsamið efni. Til dæmis eru margir textar eftir Jónas Árnason, Sigurð Þórarinsson, Jóhannes úr Kötlum, Ása í Bæ og Ásgeir Ingvarsson. 

Við byrjum venjulega að syngja upp úr kl. 20 og syngjum í 2 – 3 klukkustundir með kaffihléi og spjalli. Hver og einn velur lag sem hópurinn syngur – valið gengur hringinn, stundum tvo hringi. Þetta er lýðræðislegt val þar sem smekkur allra þátttakenda er virtur. Áfengi er ekki haft um hönd. Engin félagsgjöld eru, en fullorðnir greiða kaffi- og húskostnað þau kvöld sem þeir mæta, u.þ.b. 800 krónur fyrir kvöldið. 

Uppsigling heldur ekki tónleika en við förum stundum út á meðal fólks og syngjum fyrir það og með því í senn, einkum með eldri borgurum. Höfum tekið þátt í Ljósanótt, skemmtikvöldum félagasamtaka og afmælissamkvæmum félagsmanna. Við förum stöku sinnum í aðra landshluta, svo sem á Vestfirði og Suðurland og syngjum þar gjarna með heimafólki.

Uppsigling hefur starfað frá 1995. Forveri Uppsiglingar var Söng- og skemmtifélagið Samstilling, sem starfaði með líkum hætti í Reykjavík 1984 – 1993. Það var heldur stærra félag og var sungið á hverju mánudagskvöldi á veturna, síðustu árin í Hljómskálanum. Þar var byrjað að safna söngtextum í möppu og fjölfalda fyrir félagsmenn. Fólk kom með handskrifaða eða prentaða texta sem hópurinn prófaði. Þau lög sem féllu fólki í geð fóru síðan í möppuna og hún þykknaði með árunum.  

Uppsigling byrjaði með þessa möppu frá Samstillingu en hefur síðan bætt verulega við og hafa hjón í félaginu sett allt textasafnið smekklega upp í tölvu, u.þ.b. 500 texta. Lagavalið endurspeglar áhuga og smekk þeirra sem hafa sungið og starfað mis lengi tímabil sem telur bráðum 4 áratugi. Þar fer mest fyrir dægurlögum, aðallega frá tímabilinu 1950-1980 (m.a. textar sem fáir þekkja lengur) og nokkuð er um þjóðlög og fáein baráttulög. Nokkra texta og lög hafa félagsmenn gert sjálfir og ber þar einkum að nefna Ásgeir Ingvarsson sem starfaði með Samstillingu þar til hann lést um 1990. Úr okkar hópi má nefna textaskáldið Harald N. Kristmarsson og söngvaskáldið Ólaf Sigurðsson (hann var í South river band).

Jónas Árnason heiðraður með söng á 100 ára afmælisári - Upplyfting leiðir söng

Þau koma langt að tónlistarfólkið sem heiðrar Hannesarholt með nærveru sinni föstudaginn 20,október kl.20, Alessandra Toni og Kiann. Hlé er milli flutnings hvors um sig.

Alessandra Toni er ítalskur píanisti, tónskáld sem flytur gjarnan nýklassíska tónlist og tónlist sem höfðar til ólíkra hópa (crossover music). Hún býr sem stendur í Vínarborg, en tónlist hennar einkennir djúp ástríða fyrir tónlist sem fer yfir landamæri tónlistartegunda og fléttar saman eiginleika nýaldartónlistar og kvikmyndatónlistar. Tónlist Alessöndru sýnir einstaka blöndu hennar af melódískri fegurð, tilfinningalegri dýpt og sögu sem snertir.

Alessandra hóf tónlistarnám barn að aldri í hinum virta Giuseppe Verdi tónlistarskóla í Mílanó. Þorsti í þekkingu og skiling á mannsheilanum leiddi hana í frekara nám til hliðar við tónlistina og hún lauk doktorsprófi í erlendum tungumálum og meistaragráðu í sálfræði og taugavísindum. Auk þess er hún söngkona og lagahöfundur, sem tók þátt í pop/elektrónísku senunni í heimalandinu.

Í janúar 2023 var hún uppgötvuð af ítalsk-persneska píanistanum og tónskáldinu Kiann, sem hefur notið heimsathygli, en hann framleiðir plötur hennar. Í maí síðastliðnum fékk Alessandra samning við ítalska útgáfufyrirtækið INRI Classic  og gaf út sína fyrstu plötu, “The Best Chapter.”

Kiann er ítalsk-persneskur píanisti, tónlistarframleiðandi og tónskáld. Hann býr í Vínarborg og semur tónlist sem snertir fólk. Hann setti af stað tónlistarverkefni sitt 2014 og náði eyrum fjölda fólks með því að skilgreina tónlist sína út frá framúrstefnulegri í að blanda og sameina tónlistartegundir.  Verk hans eru nýtt í sjónvarpsserium meðal annars af austuríska sjónvarpinu ORF. Úrvarpssöðvar eins og Radio Klassik leika tónlist hans. Hann hefur átt í samstarfi með Bösendorfer píanóframleiðandanum frá 2019.

Efnisskrá Kianns er stór og telur m.a. lög af stúdíoplötu, live plötu, píanóeinleik, aríum, samstarfsverkefni með rússneska fiðluleikaranum Yury Revich og heimstónlistarverkefni með suður afríska a cappella tríóinu Insingizi.

Kiann hefur haldið tónleika víða um heim, meðal annars í óperuhúsi Caíró, Stafræna Leikhúsinu í Dubai, á opnunarhátíðum í Istanbul, Bellapais alþjóðlegri tónlistarhátíð á Kýpur og víðar.

Flutningur hans og tónverk ná hlustandanum á ferðlag sem brúar tónlistargreinar og mörk á milli þeirra.  Einbeitni hans í að endurskoða og endurskapa hina nýklassísku grein býður hlustendum tækifæri til að upplifa í ríkulegum mæli melódíuna á alveg nýjan og heillandi máta.  

Píanótónleikar með Alessöndru Toni og Kianni

Hannesarholt fær forvitnilega gesti í kvöldstund fimmtudagskvöldið 19.október, þegar mæðgurnar Jasmina Vajzovic og Azru Crnac deila með gestum sögu sinni.  Jasmina kom til Íslands fyrir tuttugu árum, sem flóttamaður, ásamt foreldrum sínum. Hún er innflytjandi, flóttakona, stjórnmálafræðingur og sérfræðingur í málefnum flóttafólks og innflytjenda. Jasmina fæddist í Bosníu og Hersegóvínu og bjó þar sem barn á meðan stríðið geisaði í landinu á árunum 1992-1995. Hún greinir frá upplifun sinni af því búa við stríðsástand og hvernig er að vera barn á flótta í sínu eigin landi. Hún lýsir ástandinu og þeim erfiðleikum sem hún og fjölskylda hennar þurftu að fara í gegnum á þessum tíma sem flóttamenn og greinir frá þeim mótandi áhrifum sem þessi átakanlega lífsreynsla hafði á hana.

Azra Crnac, annars kynslóðar innflytjandi, klínískur atferlisfræðingur og síðast en ekki síst dóttir Jasminu segir frá reynslu sinni af því að vera fædd og uppalin á Íslandi með foreldra sem flúðu stríð. Fjallað verður sérstaklega um persónulega sem og faglega reynslu Özru í móttöku flóttabarna í helstu stofnunum landsins og hvar þau standa í samanburði við innfædda. 

Verið öll velkomin. Miðasala á tix.is

Kvöldstund með mæðgunum Jasminu Vajzovic og Özru Crnac

Spennandi kvöldstund með Roberto Luigi Pagani, miðaldafræðingi, höfundi, menningarmiðlara og leiðsögumanni með meiru, sem er einn þessara nýju íslendinga sem hefur sterk áhrif á samfélag sitt og ber með sér frískandi andblæ. Fimmtudagskvöldið 12.október kl.20 í Hljóðbergi Hannesarholts.

Kristborg Bóel Steindórsdóttir ræðir við Roberto sem hefur frá mörgu að segja, en Draumalandið sem hann nefnir svo er Ísland, sem hefur verið heimili hans í tíu ár. Hannn hefur gefið út bækur um íslenska menningu, þar á meðal þýðingar af fornsögum og sögulega ferðahandbók fyrir National Geographic. Hann situr í stjórn Ítalsk-íslenska viðskiptaráðsins og Ítalska félagsins á Íslandi. Sem menningarmiðlari kynnir Roberto Ísland fyrir Ítölum sem menningaráfangastað, þar sem hann vinnur á fordómum og ranghugmyndum um Ísland meðal landa sinna.

Roberto bauðst að leika á flygilinn rómaða í Hljóðbergi, en hann kaus fremur að leika á langspilið sitt fyrir áhorfendur, þar sem hann telur Íslendinga vera búna að gleyma henni.

Verið öll velkomin að njóta kvöldstundar í Hannesarholti. Miðasala á tix.is

Tíu ár í Draumalandi - Kvöldstund með Roberto Luigi Pagani og Kristborgu Bóel Steindórsdóttur

Októberkveðja úr Hannesarholti á fallegum haustdegi. Haustdagskrá er komin á fullt og framundan eru fjölbreyttir og áhugaverðir viðburðir auk þess sem veitingastaðurinn er í fullum gangi og hádegisverður í boði alla daga sem opið er. Einnig er vert að minna á aðalfund Hollvina Hannesarholts, sem verður haldinn miðvikudaginn 18.október kl.16. Það má eiginlega segja að október sé barmafullur af menningu í Hannesarholti.

TÓNLEIKAR  - Einar Bjartur Egilsson heldur útgáfutónleika föstudaginn 6.október kl.20. ásamt Chrissie Telmu Guðmundsdóttur fiðluleikara og Hrafnhildi Mörtu Guðmundsdóttur sellóleikara, þar sem hann kynnir lög af plötu sinni Kyrrð. Breiðskífan kom út í fyrra og þetta eru síðbúnir útgáfutónleikar. Einnig verða leikin eldri verk Einars af plötunni Heimkoma. Miðasala á tix.is 

KVÖLDSTUND - Kvöldstund með Roberto Luigi Pagini og Kristborgu Bóel Steinþórsdóttur fimmtudaginn 12.október kl.20. Roberto hefur búið á Íslandi í tíu ár, sem hann kallar Tíu ár í Paradís. Ítalía er upprunaland hans en hann kaus að læra miðaldafræði á Íslandi. Þau Kristborg spjalla um fjölbreytt áhugamál Robertos og hann leikur fyrir gesti á lútu, sem hann telur íslendinga búna að gleyma. Miðasala á tix.is

TÓNLEIKAR - Sara Su Jones og Tatyana Stepanova bjóða til dúótónleika föstudaginn 13.október kl.19.30 í tilefni af sýningu Hans Jóhannssonar á afrakstri fjögurra áratuga fiðlusmíði. Einstök tóngæði fiðlunnar sem hann smíðaði fyrir Sara Su 2017 munu njóta sín vel í Hljóðbergi, sem eins og við vitum er rómað fyrir góðan hljómburð og nándina sem skapast milli flytjenda og áhorfenda. Tónleikarnir hefjast á stuttu spjalli fiðlusmiðsins um fiðluna sem hann smíðaði fyrir Sara Su.  Enginn aðgangseyrir er á tónleikana en mikilvægt er að skrá sig og taka frá sæti á tix.is. Sara Su og Tatyana hafa starfað saman síðastliðin fimmtán ár og leikið víðs vegar um Bandaríkin. Sara Su kemur frá Bandaríkjunum, en Tatyana er af Úkrainskum uppruna. Efnisskrá þeirra telur gjarnan lítt þekkt, en einstök verk. Skráning á tix.is

SYNGJUM SAMAN - Pálmar Ólason og Magnea Tómasdóttir stýra Syngjum saman laugardaginn 14.október kl.14. Magnea hefur sungið með Pálmari alla sína ævi, enda er hún bróðurdóttir Pálmars, og fjölskyldan mjög söngvinn. Gestir Hannesarholts muna eflaust Pálmar á píanóinu í veitingastofunum, þegar boðið var uppá kvöldverð með lifandi tónlist fyrir nokkrum árum. Hann fagnar 85 ára afmæli í dag og sendum við Hannesarhyltingar honum hjartans kveðjur.

OPNUN MÁLVERKASÝNINGAR - Margrét E.Laxness opnar málverkasýningu sína Himininn yfir jöklinum laugardaginn 14.október kl.14. Þar sýnir hún ný málverk unnin í akríl á striga, þar sem birtist landslag, órætt en samt kunnuglegt, andrúmsloft, hugarástand, eins konar náttúruljóð sem þenur mörk hins raunsæja og þekkta. Sýningin er sölusýning og stendur til 1.nóvember.

KVÖLDSTUND - Kvöldstund með mæðgunum Jasminu Vajzovic og Özru Crnac fimmtudaginn 19.október kl.20. Reynslubanki þeirra er ólíkur okkar flestra, en hann innifelur reynslu af lífi í stríðsátökum, á flótta, sem innflytjandi og sem annarar kynslóðar innflytjandi, barn foreldra sem flúðu stríð. Þær deila með gestum sögu sinni og innsýn og lýsa því hverju það hefur breytt að eignast Ísland að heimalandi. Miðasala á tix.is

TÓNLEIKAR – Alessandra Toni píanóleikari frá Ítalíu heldur tónleika föstudaginn 20.október kl.20 ásamt Kiann, ítalsk-persneskum píanóleikara. Þetta er í fyrsta sinn sem þau leika saman á Íslandi, en tónleikana nefna þau The Piano Alchemy. Bæði eru þau tónskáld auk þess að vera píanóleikarar og einbeita sér að því að endurskapa og sameina tónlistartegundir. Nýklassík er orð sem kemur gjarnan upp í tengslum við tónlist þeirra. Alessandra gaf nýlega út sína fyrstu plötu, sem Kiann framleiddi, en Kiann er vel þekktur í heimalandi sínu og hefur haldið tónleika í tónleikahöllum víðs fjarri Íslandi. Miðasala á tix.is

TÓNLEIKAR - Alexandra Chernishova heldur tónleika ásamt Kjartani Valdimarssyni fimmtudaginn 26.október kl.20 til að fagna því að í október eru tuttugu ár síðan hún fylgdi hjarta sínu og elti ástina til Íslands. Á þessum árum hefur hún haldið yfir tvö hundruð tónleika á Íslandi, sett upp tíu óperur, samið fjórar óperur, tvær sinfóníur, gefið út geisladiska, stofnað óperufélög, stýrt kórum og tónlistarhátíðum. Á efnisskránni verður úrval klassískra sönglaga úr 20 ára söngævintýri Alexöndru og hún vill þakka fyrir sig. Miðasala á tix.is

TÓNLEIKAR - Silkikettirnir halda tónleika í Hannesarholti föstudaginn 27.október kl.20.30 til að fagna útkomu 6 laga EP plötu Smurðar fórnir. Hljómsveitina skipa Bergþóra Einarsdóttir og Guðrún Hulda Pálsdóttir og á hljómsveitin rætur aftur til ársins 2014. Lag þeirra Andans dóttir við ljóð Hannesar Hafstein Strikum yfir stóru orðin hlaut sérstök innanhússverðlaun í Lagakeppni Hannesarholts og stöðvar 2 haustið 2020 og var hluti verðlaunanna að halda tónleika. Við fögnum því að fyrstu útgáfutónleikar sveitarinnar séu einmitt haldnir í Hannesarholti. Með þeim á tónleikunum verða Daníel Auðunsson, Karl Pestka og Sólrún Mjöll Kjartansdóttir. Miðasala á tix.is

Harpa Þorvaldsdóttir stýrir Syngjum saman laugardaginn 28.október kl.14, en gestir Hannesarholts muna Hörpu vel eftir að hún hélt utanum Syngjum saman í Hannesarholti árum saman. Auk þess að vera tónmenntakennari og tónskáld er Harpa ein af stofnfélögum hljómsveitarinnar Brek, sem hefur sprungið út á síðustu árum. Frítt er inn á Syngjum saman í vetur, til minningar um og til heiðurs Marinellu Ragnheiði Haraldsdóttur 1933-2023, sem má kalla guðmóður Hannesarholts.

Með hollvinakveðju fyrir hönd heimilisfólksins í Hannesarholti,

Október barmafullur menningarmánuður í Hannesarholti 

Systur ríða á vaðið og stýra fyrsta samsöng vetrarins, sem er jafnframt þeirra fyrsta sinn í Hannesarholti. Systur eða Sigga, Beta og Elín eru Sigríður, Elísabet og Elín Eyþórsdætur. Þær byrjuðu aða skapa saman tónlist 2011 undir nafninu Sísý Ey og gáfu meðal annars út raftónlistarsmellinn Ain’t Got Nobody árið 2013 í samstarfi við DJ Oculus.

Árið 2022 unnu þær Söngvakeppni sjónvarpsins með þjóðlagakennda laginu Með hækkandi sól (sem Lay Low samdi) og kepptu fyrir Íslands hönd í Tórínó undir nafninu Systur.

Systurnar eru af tónlistarfjölskyldu, en foreldrar þeirra eru Ellen Kristjánsdóttir og Eyþór Gunnarsson. Móðurbróðir þeirra er KK.

Eins og áður hefur komið fram er Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð 14.september 2023. Hannesarholt er til vegna hennar og hún mætti á alla Syngjum saman viðburði með mér þar til heimsfaraldurinn truflaði taktinn. Um leið og við minnumst hennar og heiðrum, viljum við taka hana okkur til fyrirmyndar. Söngurinn fylgdi henni ævina út, þar til hún lést 11.júlí síðastliðinn. Frítt er inná Syngjum saman í minningu hennar í vetur, textar á tjaldi og allir geta sungið með. Allar kynslóðir velkomnar .

Syngjum saman í Hannesarholti með Systrum

Margrét Jónsdóttir veitir leiðsögn um málverkasýningu sína NÁTTÚRA / AÐ VERA laugardaginn 30.september kl.11:30. Sýning stendur til 11.október.

Sýningin samanstendur af verkum úr tveimur myndröðum: IN MEMORIAM og myndröð sem spratt fram á tímum COVID. Margrét starfar sem listamaður í Frakklandi og á Íslandi og 48 ár eru frá fyrstu sýningu hennar. Margrét hlaut norræn vatnslitaverðlaun á þessu ári. The Winsor & Newton Prize. Verðlaun Norræna Vatnslitafélagsins/Col Art. The Nordic Watercolor Association Prize 2023.

Margrét Jónsdóttir - Leiðsögn um sýninguna NÁTTÚRA / AÐ VERA

Við erum sérlega stolt og spennt yfir kvöldstund með Dr. Ólafi Þór Ævarssyni geðlækni fimmtudaginn 28.september, sem ræðir um nýtt hugtak sem útleggst á íslensku sem Samfélagsgæska,  Social Kindness á ensku. Hann segir meðal annars frá nýrri þekkingu á heilanum og samstarfi taugakerfis og hormóna, sem sýnir hve mikilvæg samvinna og gæska eru til að takast á við álag. September er mánuður geðræktar og hér eru á ferðinni góðar fréttir í geðrækt.

Auk þess að starfa sem geðlæknir er Ólafur stofnandi Streituskólans. Þessi fyrirlestur getur flokkast undir fræðslu til forvarna frá Streituskólanum. Ólafur er ósínkur á góð ráð og uppbyggjandi skilaboð til samborgaranna og skrifar meðal annars pistla á akureyri.net sem nefnast Fræðsla til forvarna. Í einum slíkum ræðir hann um samfélagsgæsku:

Þegar við verðum vitni að því að einhver gerir góðverk er tilfinningin sem við finnum sjálf góð. Okkur verður hlýtt um hjartarætur og fyllumst manngæsku og einnig löngun til að gera eins. Eða réttara sagt svipað. Rannsóknirnar sýna nefnilega að maður gerir ekki það sama og fyrirmyndin heldur fyllist meiri löngun til að gera vel, láta gott af sér leiða og finnur svo eigin leið til að gera það. Þetta er smitandi hegðun, meðvituð eða ómeðvituð. Vísindamenn hafa verið að rannsaka hegðun í stórum hópum í löngun til þess að skýra þetta fyrirbæri. 

Streymt verður frá kvöldstundinni og aðgangseyrir er valfrjáls, frá 1000 krónum uppí 5000 kr. Skráning og miðasala á tix.is

Samfélagsgæska í Hannesarholti með Ólafi Þór Ævarssyni 

Aðalfundur Hannesarholts verður haldinn þriðjudaginn 26.september kl.17 í Hannesarholti við Grundarstíg. Venjuleg aðalfundarstörf.

Syngjum saman í Hannesarholti veturinn 2023-2024 er tileinkað Marinellu Ragnheiði Haraldsdóttur, sem var fædd 1933 og hefði því orðið níræð í dag, 14.september 2023. Hannesarholt er til vegna hennar og hún mætti á alla Syngjum saman viðburði með mér þar til heimsfaraldurinn truflaði taktinn. Um leið og við minnumst hennar og heiðrum, viljum við taka hana okkur til fyrirmyndar. Söngurinn fylgdi henni ævina út, þar til hún lést 11.júlí síðastliðinn. Frítt er inná Syngjum saman í minningu hennar í vetur, textar á tjaldi og allir geta sungið með. Allar kynslóðir velkomnar.

Syngjum saman verður haldið eftirfarandi laugardaga kl.14 á haustönn: 

14.október Pálmar Ólason og Magnea Tómasdóttir

Málverkasýning Ingibjargar Dalberg, VIÐ VÖTNIN, stendur yfir í Hannesarholti frá 2.-20.september. Viðfangsefni sýningarinnar er að mestu tengt vötnum hér á landi, sjó, stöðuvötnum, tjörnum eða ám og lækjum. Vatnið sem undirstaða alls lífs hér á jörð. Lómur syndir með unga á kyrrlátu vatninu og jaðrakan veður í ró sinni og buslar. Smágerð maríuerla speglar sig í polli á meðan kríurnar leika sér og daðra hátt yfir Tjörninni. Bjarthegri, eftirlætis flækingsfuglinn er sem fyrr á ferð við vötnin. Annar á heimleið til Hegraness með viðkomu í vörmum læk, á meðan hinn sér sjálfan sig á spegilsléttu heiðarvatni einhvers staðar upp til heiða. Gróður jarðar er einnig ríkjandi á sýningunni, einkum sá sem vex villtur við vötnin. Þrjú óhlutbundin málverk eru á sýningunni sem rugla vel upp í ,,rýminu”. Öll málverkin eru unnin með olíu á striga utan myndin af Heklu og þau óhlutbundnu sem gerð eru með akríllitum á striga.

Myndlistarnám hefur Inga sótt í Englandi 1989 National Diploma Found. Higher Ed. Art and Design. London, og 1988 Hull College of Further Ed. A Level Art. England. Síðar sumarönn í Frakklandi 1993 École des BeauxArts –París auk fjölmargra námskeiða á Íslandi t.d. við Myndlistaskólann í Reykjavík, Myndlistarskóla Kópavogs og Listabraut FB. Annað myndlistartengt nám er BA próf í sagnfræði og listasögu frá Háskóla Íslands 2010 og var viðfangsefni lokaritgerðar hennar ,,Brot úr sögu smámynda á Íslandi. Upphaf og endalok 1770-1840” tengt órannsökuðum anga í sögu myndlistar hér á landi.

Með hléum hefur Inga starfað við listmálun og vinnur hún ýmist við stór óhlutbundin verk til jafns við fígúratívar myndir. Einkum eru það andlitsmyndir/portret með áherslu á raunsæi sem hafa verið megin viðfangsefni undnfarin ár. Sýningin er aðgengileg á opnunartímum Hannesarholts frá 11:30-16:00 alla daga nema sunnudaga og mánudaga og stendur til 20.september. Allar myndirnar á sýningunni eru til sölu. Ingibjörg verður með leiðsögn um sýninguna kl.11.30 þriðjudaginn 5.september. 

Við vötnin - Málverkasýning Ingibjargar Dalberg

Olivier Manoury er gestum Hannesarholts að góðu kunnur, enda hefur hann verið með bandoneon tónleika í Hannesarholti oftar en einu sinni og haldið málverkasýningu í veitingastofunum og lagt hönd á plóg á ýmsum sviðum í Hannesarholti. 1.september kl.20  kemur hann með tvo tónlistarvini sína sem spinna saman extotíska tónlist frá Brasilíu, Argentínu, Frakklandi og öðrum ímynduðum löndum. Tríóið skipa auka Olivier Hilmar Jensson á gítar og Nicolas Moreaux á kontrabassa. Miðasala á tix.is 

Exotísk tónlist með tríói Olivier Manoury

Síðustu sýningardagar Hjartar Hjartarsonar fara í hönd, þar sem sýningunni lýkur 31.ágúst. 

Þessi einkasýning endurspeglar margar stórar upplifanir listamannsins á árinu 2023, einskonar dagbók.

Í byrjun árs fór hann í fyrsta sinn til Afríku, eitthvað sem hann hafði dreymt um síðan hann var ungur drengur. Í safaríferðinni í „Masai Mara“ þjóðgarðinum í Kenýa varð hann fyrir miklum áhrifum af fegurð sléttanna, víðáttunnar, birtunnar, trágróðursins og rauðbrúna jarðvegsins í Afríku. Allt þetta smýgur síðan hljóðlega inn í listsköpun hans á árinu.

Hann fór líka s.l. vetur á sýninguna „Monet og Mitchell“ í Louis Vuitton safninu í París sem hafði mjög sterk áhrif á hann.

Hjörtur lítur á list sína og þá list sem hann sækir í að hún sé eins og blóm til áhorfandans og að áhorfandinn með upplifun sinni sé eins og býflugan sem fær hunang sitt að launum fyrir huga og sál.

Þetta ár hefur jógaiðkun hans líka aukist og hefur tónheilunin í tímunum þar gefið honum aukið rými fyrir listsköpunina.

Hughrif hvers dags fyrir sig koma beint fram í verkunum hans s.s. að fanga fegurðina í allri sinni dýrð.

Sýningin er opin á opnunartímum Hannesarholts, frá 11.30-16 alla daga nema sunnudaga og mánudaga. 

Hjörtur Hjartarson Nýjar myndir 2023 - síðustu sýningardagar

Síðasti dagur fyrir sumarleyfi í Hannesarholti er 23.júní. Einnig lokadagur sýningar Þrastar Eiríkssonar - ANDLIT AFRÍKU. Opnum aftur 10.ágúst. Njótið sumarsins!

Last day before summer vacation in Hannesarholt is June 23rd. Also last day of Þröstur Eiríksson's photo exhibit: THE FACE OF AFRICA. We open again August 10th. Enjoy your summer!

Síðasti dagur fyrir sumarleyfi / Last day before summer vacation!

ANDLIT AFRÍKU - Dásamlegar ljósmyndir Þrastar Eiríkssonar komnar upp á veggi í Hannesarholti. Opnun kl.15. á morgun, þriðjudaginn 20.júní. Sýningin er sölusýning og stendur fram að sumarleyfi í Hannesarholti. Opið frá 11.30-16 þriðjudag, miðvikudag, fimmtudag og föstudag 23.júní. Verið velkomin.

ANDLIT AFRÍKU - Síðasta sýning fyrir sumarleyfi 

Til hamingju með 19.júní konur og karlar! Rauða rósin á veggnum hennar Bríetar Bjarnhéðinsdóttur í Hannesarholti er til minningar um rauðu rósirnar sem Bríet gaf Hannesi Hafstein í þakklætisskyni 19.júní 1911, þegar kosningarétturinn var í höfn. "Húrra fyrir okkur konum! Og dálítið húrra fyrir okkur Hannesi. Mér sem átti upptökin og fékk hann til að flytja það og honum einkum sem gerði það svo vel." (úr bréfi til Laufeyjar Valdimars-og Bríetardóttur, úr bók Bríetar Héðinsdóttur)

Nú er hver að verða síðastur að kíkja á málverkasýningu Sigrúnar Harðardóttur AÐ FJALLABAKI í Hannesarholti Grundarstíg 10, 101 Reykjavík. Sýningunni lýkur á 17. júní og er opið þann dag milli kl 13:00 - 16:00. Aðra daga er opið frá kl 11:30 - 16:00. verður með leiðsögn um sýninguna kl. 15:00. Allir velkomnir og aðgangur ókeypis.

Sigrún Harðardóttir AÐ FJALLABAKI - síðasti sýningardagur 17.júní

Öll fjölskyldan semur lög við ljóð Hannesar Hafsein og flytur þau á tónleikum í Hannesarholti laugardaginn 29.apríl kl.16. Aðalsteinn Ásberg Sigurðsson og fjölskylda slá ekki slöku við þegar kemur að því að auka við menningarflóru okkar Reykvíkinga og nú hafa öll börn hans þrjú samið lög við ljóð Hannesar Hafstein eins og hann sjálfur. Flest tóku þau þátt í lagakeppni Hannesarholts fyrir rúmum tveimur árum og stíga nú á stokk til að deila þessum lagasmíðum með okkur hinum. Við í Hannesarholti fögnum þeim af heilum huga.

https://tix.is/is/event/15262/blessu-solin/

Dagana 13.-16. apríl verður í Hannesarholti yfirlitssýning á málverkum Óskars Ólasonar málarameistara. Óskar fæddist á Eskifirði þann 13.apríl 1923 og eru því hundrað ár liðin frá fæðingu hans um þessar mundir. Hann missti föður sinn ungur og flutti móðir hans með barnahópinn til Reykjavíkur. Óskar lést árið 2010 en yndisleg minning lifir um hann, ekki síst í gegnum þau málverk sem hann skildi eftir sig. Fjölskylda hans hefur safnað saman hluta þessa verka, sem verða til sýnis í Hannesarholti fimmtudag, föstudag, laugardag og sunnudag frá kl.11.30-16.

Á kreppuárunum, 1930–45, urðu margir sem gengu með listamanns-drauminn í maganum að gefa hann upp á bátinn. Menntun erlendis var það eina sem í boði var en slíkt var nánast útilokað þeim sem ákváðu að stofna til fjölskyldu. Þó draumurinn um listnám yrði ekki að veruleika hjá Óskari sótti hann námskeið í málun og teikningu meðal annars hjá Nínu Tryggvadóttur. Einnig viðaði Óskar að sér listaverkabókum og nam með því að lesa sér til um listastefnur og tækni. Hann var samtímamaður fyrstu kynslóðar íslenskra málara og var ætíð duglegur að fara á listasýningar og fylgjast með. Fyrstu verk Óskars má greina sem natúralísk-rómantísk enda mest landslagsverk. Seinna urðu myndir hans meira í anda ljóðrænna expressjónisma og síðar abstrakt.

Óskar lauk málarameistaranámi í Iðnskólanum í Reykjavík og vann sem slíkur. Eins og eiginkona hans, Arnfríður Ísaksdóttir, rak hann sitt eigið fyrirtæki sem má segja að hafi byggt á litum og litavali. Um hríð starfaði Óskar í Málarameistaranum, sem þá var til húsa í Bankastræti, og þá þurftu menn að kunna að blanda liti út frá þekkingu og tilfinningu. Óskar þótti sýna mikla næmni varðandi slíka færni, dropi af svörtu til að dempa skæran tón eða tvo af gulu til að ná fram hlýrri blæ. 

Er börnin fjögur uxu úr grasi tók Óskar fram penslana og trönurnar fyrir alvöru. Þeim tíma sem hann var ekki að sinna sumarbústað fjölskyldunnar, og skógræktinni þar, varði hann í málaraherberginu. Óskar hafði ætíð mikinn áhuga á málaralist og á heimili þeirra Fríðu héngu myndir t.a.m. eftir Nínu Tryggvadóttur, Þorvald Skúlason, Kristján Davíðsson, Kára og Hauk Dór. Óskar hélt tvær sýningar, á verkum sínum á meðan hann lifði, þá kominn á fullorðinsaldur.

Börn Óskars færa þeim þakkir sem lána verk á sýninguna ásamt þökkum til Hannesarholts fyrir að halda sýninguna. 

A selection of Óskar Ólason's paintings will be exhibited in Hannesarholt on April 13th through the 16th. Óskar was born in Eskifjörður, East Iceland, on April 13th 1923 and thus his family is celebrating 100 years from his birth. He lost his father at a young age and his mother moved to Reykjavik with her five children. Óskar died in 2010 at the age of 87 and his memory lives on, especially in the artwork he left behind. His family has gathered a selection of his paintings to be exhibited in Hannesarholt throug Thursday, Friday, Saturday and Sunday from 11.30 am until 4 pm.  

During the Depression, in 1930-1945, most aspiring artists in Iceland had to abandon the dream of following their Muse. The only option was art education abroad, and such path was next to impossible for someone like Óskar, a husband and a father with a growing family. Nevertheless, he took courses in

drawing and painting from teachers like Nína Tryggvadóttir and collected books of art, in order to educate himself in the various art trends and techniques. He was a contemporary of the first generation of Icelandic artists, and frequented art exhibitions and museums. Óskar's first pieces can be classified as naturalist-romantic, mostly landscapes. Later on his pieces became more in the spirit of lyrical expressionism and abstract. 

Óskar qualified as a Master Housepainter at the Reykjavík Technical College and worked as such. Like his wife, Arnfríður Ísaksdóttir, he ran his own company, which in a sense was based on working with colours. He was an expert in mixing colours and was celebrated for his skill. A drop of black to soften a bright colour or two drops of yellow to draw out a warmer tone.

In time, as his four children were grown and life offered more free time, Óskar gave in to his love of painting. When he wasn't planting trees or working on the family's summer house, he was in his studio making art. He was a great lover of art throughout his life, and the family home sported art pieces by renowned Icelandic artists. Óskar held two art exhibits during his lifetime, in his later year. 

Óskar's children extend thanks to those who have lent pieces for exhibition and also to Hannesarholt for hosting the exhibit. 

Myndlistarsýning Óskar Ólason 100 ára

Hannesarholt óskar hollvinum og öðrum velunnurum gleðilegra páskahátíðar og hlakkar til að taka á móti ykkur að afloknu páskaleyfi, þriðjudaginn 11.apríl. Opnum kl.11.30.

„Líklega er mér ætlað að afhjúpa kerfið“

Húsið að Grundarstíg 10 í Reykjavík, sem nú nefnist Hannesarholt, er merkilegt fyrir margra hluta sakir. Það var síðasta heimili Hannesar Hafstein, fyrsta íslenska ráðherrans, það er meðal fyrstu steinsteyptu húsanna í Reykjavík og þar hefur verið rekið menningarsetur, öllum opið, í nær áratug. Einn af eigendum hússins, Ragnheiður Jónsdóttir, segir að vel hafi gengið að ná þeim markmiðum sem lagt var upp með frá byrjun: Að opna húsið almenningi, að standa fyrir og hýsa uppbyggjandi viðburði þar sem menning, listir og fræði eiga stefnumót við fólk á öllum aldri og úr öllum þjóðfélagshópum. Einnig að hlúa að sögulegu samhengi með fortíð, nútíð og framtíð í hug, að eiga samleið með og taka þátt í eftir föngum sameiginlegum viðburðum og hátíðum í borginni og að þiggja andblæ að utan í anda Hannesar Hafstein. Húsið hefur á þessum tíu árum tengt saman fólk, listir og fræði, þar sem samtalið er í öndvegi og allir eru velkomnir.

Texti: Ragnheiður Linnet – Myndir: Rakel Garðarsdóttir
Brot úr ítarlegra viðtali Vikunnar.

Ragnheiður segir að hún og eiginmaður hennar, Arnór Víkingsson, hafi verið eins og leidd inn í húsið fyrir tilviljun í nóvember 2007. Þau keyptu húsið ásamt börnum sínum, til þess að gera það upp og opna almenningi. „Húsið var lúið og við vildum bjarga því. Ég hafði fengið arf úr fjölskyldufyrirtæki sem var stofnað þegar ég var þriggja ára og rekið í 44 ár og þess vegna gat ég ráðist í þetta verkefni.“ Eftir gagngerar endurbætur og tyrfinn leyfaferil var Hannesarholt opnað 8. febrúar 2013.

Hjónin hafa staðið straum af kostnaði við húsið og starfsemi þess frá upphafi. Þar kom að það gekk ekki lengur. Hannesarholt passaði ekki inn í viðspyrnustyrki vegna Covid-faraldursins, viðræður við yfirvöld skiluðu engu samkomulagi og Hannesarholti var lokað sumarið 2021. Framtíðin er enn óljós, en það var mörgum fagnaðarefni þegar Hannesarholt var opnað aftur haustið 2022. „Það kom óvænt opnunarstyrkur frá góðgerðarsjóði í New York, sem var stofnaður 2015 og styrkir fyrst og fremst samfélagslega mikilvæg verkefni. Fulltrúi sjóðsins kom hingað og heillaðist af því sem við höfum verið að gera í Hannesarholti af eigin rammleik, fyrir eigin reikning. Hún tengdi strax og það var ævintýralegt að hitta hana. Við erum óendanlega þakklát og stolt yfir þessum liðsauka.“

Ragnheiður er með BA-gráðu í bókmenntafræði og ensku og kennsluréttindi frá HÍ. Meistaragráðu í enskum bókmenntum og doktorspróf í menntunarfræðum frá University of Wisconsin, Madison. Hún segir að menntun sín hafi nýtst vel í starfinu og að hún hafi alltaf verið upptekin af velferð þjóðarsálarinnar. Þeim hjónum hafi fundist Íslendingar villast af leið á uppgangsárunum fyrir hrunið 2008, nokkuð sem líklega margir geta tekið undir. „Það fór saman að bjarga þessu húsi og opna það almenningi, en staðreyndin er sú að við höfum ekki endilega aðgang að þessum hluta menningararfsins sem felst í húsunum frá steinsteypuklassíkinni, þau eru í einkaeign og fólk býr í þeim.“

Ragnheiður segir að þetta verkefni hafi komið inn í líf þeirra á eina tímapunktinum sem hún hefði getað tekist á við það. Það hafi verið ævintýri líkast að byggja upp starfið í Hannesarholti og óendanlega gefandi, þótt það hafi líka tekið á. „Ég valdi kennarastarfið til að bæta heiminn, kenndi meðal annars í Borgarholtsskóla, Menntaskólanum við Hamrahlíð og Kennaraháskóla Íslands, og hér í Hannesarholti finnst mér ég hafa unnið við að bæta samfélagið. Það hefur gert þetta þess virði að standa í því. Frá fyrsta augnabliki fannst mér þessu hafa verið stýrt, við værum ekki ein í þessu.“

Margir halda að hún sé afkomandi Hannesar Hafstein, enda heitir hún Ragnheiður eins og kona hans. En það er ekki svo. „Eina tenging mín við Hannes er sú að foreldrar mínir og amma og afi seldu kjallarann í fjölskylduhúsinu sem þau byggðu 1963 í Grænuhlíð 22 og keyptu fyrir andvirðið bát sem hét Hannes Hafstein. Ég sá kíki með nafninu hans í stýrishúsinu hjá Haraldi afa mínum þegar ég var 8 eða 9 ára gömul og hef þess vegna spurt hann út í málið. Ég man ekki nákvæmlega hvernig afi svaraði, en orð hans innprentuðu í mig virðingu fyrir Hannesi Hafstein og þakklæti. Meira var það ekki, en mér þykir óumræðilega vænt um þessa tengingu. Þakklæti er grunntilfinning og án hennar erum við fátæk. Þegar ég gekk inn í lúið húsið hans kallaði það á mig að bregðast við.“

Hverning finnst þér hafa tekist til? „Miklu betur en ég þorði nokkurn tíma að vona. Allan tímann hefur verið einhver blessun yfir þessu verkefni. Ég væri ekki að segja satt ef ég segði að þetta hafi ekki verið erfitt, þetta hefur tekið á en verið miklu meira blessun. „Öll mín sýn hefur verið með heildina í huga. Hannesarholt byggir á þessari þvegfaglegu hugsun sem býður okkur að koma saman og velta fyrir okkur hvert við förum eða viljum fara. Við sækjum söguna hér og hlustum hvert á annað í nútíðinni. Að tengja saman fortíð, nútíð og framtíð er það sem allt snýst um í Hannesarholti, að tengja saman kynslóðirnar og nýta sameiginlega reynslu okkar.

Ég er líka þakklát fyrir að Hannesarholt hefur stækkað sviðið fyrir samborgarana og gefið mörgum tækifæri til að stíga á stokk og deila andlegri auðlegð sinni með samfélaginu. Ýmsir hafa komið fram á viðburðum sem gera það ekki alla jafna og þannig hlúir Hannesarholt að alþýðumenningu. Myndlistarmenn sem hafa sýnt í húsinu hafa verið á aldrinum 23 til 92 ára og spannað allt frá því að vera með sínar fyrstu sýningar til sinna síðustu og sama er að segja um tónlistarmenn, þeir hafa verið á öllum aldri og á öllum stigum,“ segir Ragnheiður.

Blaðamaður víkur talinu að skattamálum fjölskyldu Ragnheiðar, sem mikið var fjallað um í fjölmiðlum á annan áratug og hvaða áhrif það hafi haft á hana og starf hennar. „Ég vil engum svo illt að óska honum að lenda í slíkri útreið. Það rænir fólk lífi, heilsu og lífsgæðum og ekki bara þeim sem lenda í slíkri hakkavél, heldur líka fjölskyldum þeirra. Vendipunkturinn í þessu máli fyrir mér var nokkrum árum eftir að það hófst þegar mér fannst að ríkisvaldið hefði af ásetningi rangt við, það væri ekki verið að rannsaka hvað gerðist og komast að sannleikanum, heldur hefði verið búin til saga og við sett þar inn sem persónur og leikendur. Mér fannst að það ætti að „sakfesta okkur“ með góðu eða illu, réttu eða röngu. Ég bjó sem sagt til nýtt orð sakfesta – um þessa upplifun.

Á tímabili fannst mér að þarna væri komin skýringin á því hvers vegna ég væri að lenda í þessu, mér væri ætlað að afhjúpa kerfið. Líklega hefði ég sóað ævinni í það, hefði orðið þráhyggjunni að bráð og væri nú lokuð inni einhvers staðar. Í rauninni bjargaði Hannesarholt geðheilsu minni. Ég stóð þar vaktina daga langa og sá ekki útúr augum fyrir önnum. Þess vegna hafði ég ekki tíma í að eltast við kerfið. Ég þakka fyrir það í dag.“

„Það sem sveið mest var að fjölmiðlar sukkuðu í þessu máli án afláts. Vitnuðu hægri-vinstri í óvandaðan „frétta“flutning og skrumskældar útgáfur af málavöxtum og svifust einskis. Þegar svo sýknudómur kom í máli okkar systra eftir tíu ára málavafstur var lítill áhugi fyrir að segja frá því. Mér fannst ég svikin. Trúði ekki að menn hefðu ekki manndóm í sér til að leiðrétta þær rangfærslur sem fjölmiðlar þeirra hefðu borið á borð fyrir fólk síendurtekið. Ég verð alveg að viðurkenna að ég þarf að vinna í því að bægja frá biturð og missa ekki trúna á fólk og stofnanir. Svona reynsla skilur eftir sig fótspor í sálarlífi fólks, í samfélaginu og á netinu. Það var smá sárabót að dómarinn í máli okkar systra gagnrýndi harðlega framgang embættis saksóknara. Það gaf mér von um að kannski gæti kerfið lært af og batnað. Bræður okkar þurftu að þola þetta í þrettán ár áður en mál þeirra voru felld niður. Það er drjúgur hluti úr ævi manneskju.“

Ragnheiður Jónsdóttir -   nútíminn.is 

,,Fólk eins og við" nefnist ljósmyndasýning Mörtu Margrétar Rúnarsdóttur, sem stendur yfir í Hannesarholti frá 18.mars til 12.apríl. Margrét starfar sem lögfræðingur í Brussel og flutti þangað fyrir tveimur árum, þegar heimsfaraldur var í algleymingi og við blasti einsemd fólks hvert sem litið var. Fólk eins og við var einsamalt á gangi, einsamalt á bekk, grímuklætt og fjarri öðrum. Marta vildi fanga þessi augnablik og sýna líf fólks í borgum Evrópu, sem var að upplifa það sama og við. Einangrun og einsemd í heimsfaraldri. Allar myndir á sýningunni eru til sölu.

Fólk eins og við - Marta Margrét Ö.Rúnarsdóttir

Tvímálabókin ÓLGUBLÓÐ / RESTLESS BLOOD er nú til sölu í Hannesarholti. Mikill fengur er að þessari bók, sem geymir úrval ljóða eftir Hannes Hafstein, bæði á íslensku og í enskri þýðingu Ástráðs Eysteinssonar prófessors og Julians Meldons D´Arcy fyrrum prófessors við Háskóla Íslands. Bókin var gefin út af Stofnun Vigdísar Finnbogadóttur, prentuð af Háskólaútgáfunni og var ritstjóri Birna Bjarnadóttir. Hollvinir Hannesarholts styrktu útgáfuna ásamt Styrktarsjóðs Stofnunar Vigdísar Finnbogadóttur. Bókina má einnig fá í Bóksölu stúdenta.

Ljóðið lifi er tónlistarhátíð sem haldin var í fyrsta sinn helgina 24.-26.mars 2023 í Hannesarholti. Skipuleggjendur voru Auður Hafsteinsdóttir sópransöngkona og Eva Þyrí Hilmarsdóttir píanóleikari. Tónlistarfólk sem fram kom á þrennum tónleikum voru Karin Björg Þorbjörnsdóttir og Unnsteinn Árnason, Auður Gunnarsdóttir og Kolbeinn Ketilsson og Anna Guðrún Jónsdóttir sem hélt debuttónleika. Píanóleikari á öllum tónleikunum var Eva Þyrí Hilmarsdóttir.

Múltíkúltíkórinn efndi til söngs og samveru í Hannesarholti laugardaginn 25. mars undir stjórn Margrétar Pálsdóttur kórstjóra.  er skipaður konum hvaðanæva úr heiminum, sem koma saman og syngja lög frá sínum heimaslóðum.  Lögin velja konurnar sjálfar, kenna hinum í hópnum og syngja þau á upprunalegum tungumálum. Þannig fá þær tækifæri til að kynnast tónlist og menningu hver annarrar og styðja hver aðra í söng og samveru.  Nýjasta lag kórsins er frelsislagið „Barāye“ sem sungið hefur verið á götum Írans síðan í haust. Nú fá gestir Hannesarholts tækifæri til að kynnast því, ásamt fleiri lögum kórsins, og jafnvel að syngja með.  Stjórnandi Múltíkúltíkórsins er Margrét Pálsdóttir. Ársæll Másson leikur á gítar, Ari Agnarsson á píanó og harmónikku og Árni Áskelsson á slagverk.  Ekki verður innheimtur aðgangseyrir á tónleikana en gestir eru hvattir til að styðja kórinn með upphæð að eigin vali. Reikningsnúmerið er 0133-26-003579 og kennitala kórsins er 680121-0600. Senda má kvittun á netfangið: multikultikorinn@gmail.com.

Múltíkúltíkórinn söng fyrir frelsið

Myndlistarsýningin Enginn karlaklúbbur eftir Sísí Ingólfsdóttur frá 25.febrúar til 17.mars velti fyrir sér stsöðu konunnar og frelsi hennar til að taka sér pláss. Með fígúratívum teikningum leikur hún sér að hlutvervingu konunnar við hlið steríótýpu hins hvíta miðaldra karlmanns.

Enginn karlaklúbbur - Sísí Ingólfsdóttir

Romain Collin dvaldi í gestaíbúð Hannesarholts í febrúar og hélt ferna tónleika fyrir gesti Hannesarholts, eina einleikstónleika og þrenna ásamt gestum. Að þessu sinni voru gestir hans Bergur Þórisson, GDRN og Viktor Orri Árnason. Romain hélt áþekka tónleikaröð fyrir tveimur árum, sem varð endaslepp vegna heimsfaraldurs og tónleikar felldir niður. Romain er einstaklega ljúfur og hæfileikaríkur tónlistarmaður og starfsfólk Hannesarholts hefur haft sérstaka ánægju af nærveru hans í húsinu. Við vonum að næstu árin færi okkur fleiri heimsóknir og tónleikaraðir frá Romain Collin.

Romain Collin stayed in Hannesarholt's guest apartment in February of 2023 and held a series of concerts in Hljóðberg, Hannesarholt's concert hall, a solo concert and three concerts with guests. This time his guests were Bergur Þórisson, GDRN and Viktor Orri Árnason. Romain had a similar concert series two years ago, which had to be cut short on account of the pandemic. Romain is a very likeable person and a fantastic musician, and Hannesarholt's staff very much enjoyed his presence in the house. We hope that the coming years will bring us more visits from Romain and more concert series. 

Romain Collin aftur með tónleikaröð í Hannesarholti

Meðal þess sem gladdi afmælisgesti á tíu ára afmæli Hannesarholts var að biðinni eftir tvímálabókinni Ólgublóð/Restless Blood var loks lokið og fólk gat fengið bókina í hendur. Ragnheiður Jónsdóttir stofnandi Hannesarholts hvatti til að ráðist skyldi í þetta verk, sem Ástráður Eysteinsson og Julian Meldon D'Arcy inntu af hendi með miklum ágætum. Þeir félagar lásu upp úr bókinni ljóð bæði á íslensku og ensku, og höfðu gestir hina mestu skemmtun af. Sjá má upptöku af viðburðinum á fésbókarsíðu Hannesarholts og í fyllingu tímans á endurbættri heimasíðu. 

Harpa Másdóttir gladdi gesti Hannesarholts með sýningu sinni AFTUR Í  HRING í febrúar og mars 2023, sem var sjálfstætt framhald af síðustu sýningu Hörpu á hringlaga málverkum í Hannesarholti. Hún heldur áfram að endurhugsa hinn hringlaga flöt með því að byggja hann upp, rífa niður, afmá og byggja upp á ný. Allt getur gerst í öruggu umhverfi hringformsins og hringnum er lokað.

Myndlistarsýning Ingu Höskuldsdóttur á myndverkum sem hún vann úr afskurði og matarafgöngum sem var fyrsta sýning ársins 2023 hlaut verðskuldaða athygli. Hér má sjá Sóley Gestsdóttur taka viðtal við Ingu í Víðsjá. https://www.ruv.is/sjonvarp/spila/kastljos/33550/9vuknq/matarmyndir-ingu-hoskuldsdottir? fbclid=IwAR0LnW9v_W9uIST3PgIbYtvBlv_ZwZcLJvQeX22jsjo8tu5OpvYj1np3HBM

Burtfloginn kjúklingur og teiknaðar kartöflur 



Hannesarholt óskar öllum hollvinum og öðrum velunnurum friðsællar jólahátíðar og gæfuríks nýs árs.

Hjartans þakkir fyrir samstöðuna í gegnum tíðina.

Hannesarholt óskar ykkur gleðilegra jóla

Í tilefni af 100 ára ártíð Hannesar Hafstein, sem lést á þessum degi árið 1922, verður hátíðardagskrá í Hljóðbergi Hannesarholts þriðjudaginn 13.desember 2022 kl.16-17. Allir velkomnir meðan húsrúm leyfir. Streymt verður frá viðburðinum og hægt verður að horfa á hann af efri hæðum hússins, ef Hljóðberg fyllist af gestum.

100 ára ártíð Hannesar Hafstein - Hátíðardagskrá

Soffía Gísladóttir er ein þeirra nemenda Myndlistarskólans í Reykjavík sem tóku þátt í gjöfulu samstarfi við Hannesarholt á vorönn 2021, sem sýnd var á Hönnunarmars það sama ár.  Nú hefur hönnun hennar  samstarfi. Nú hefur hönnun hennar fengið framhaldslíf og verður til sýnis og sölu í Hannesarholti í plakötum, veggspjöldum, póstkortum, tækifæriskortum og viskustykkjum, til styrktar Hollvinafélagi Hannesarholts.                                                                                                   Soffía Gísladóttir (f. 1974) myndlistarmaður útskrifaðist með B.A gráðu í myndlist frá grafíkdeild  Listaháskóla Íslands árið 2001.  Hún nam þrívíddarhönnun við NTV og síðar hreyfimyndagerð og vefsíðuhönnun við Margmiðlunarskólann.  Soffía flutti til Bresku Kólumbíu, Kanada í tvö ár þar sem hún vann að listsköpun og hélt nokkrar einkasýningar.  Síðar flutti hún til Kaupmannahafnar og Madríd og myndaði stræti og mannlíf á meðan hún bjó þar.  Ferðalög hennar um heiminn kveiktu áhuga hennar á ljósmyndun og hefur hún unnið við listljósmyndun samhliða grafík og teikningu og hefur haldið fjölda einka og samsýninga á verkum sínum.  Árið 2022 lauk Soffía tveggja ára diplómanámi i við textíldeild Myndlistarskóla Reykjavíkur.  Með því námi opnaðist nýr heimur, nýr miðill til listsköpunar. Soffía býr og starfar við sjávarsíðuna í Kjós, Hvalfirði.   Hönnun Soffíu er gerð í jafnvægi við náttúru og fólk, með unun og virðingu fyrir ferlinu frá því að hugmynd fæðist og þar til verkið finnur sér stað á heimili fólks.

Með kveðju frá Hannesi í hönnun Soffíu Gísladóttur

Þórunn Elísabet myndlistarkona veitir leiðsögn um sýningu sína „Himneskt er að lifa“ í veitingastofum Hannearholts laugardaginn 3.september kl.14.
„Sýningin er hugsuð útfrá Hannesi Hafstein, húsinu og sögunni. Bæði sögu Hannesar og fjölskyldu og þeirra sem komu á eftir í húsið. Ómur af lífi og tilfinningum. Texti Hannesar, lín og klæði alls staðar að. Fyrir utan dásamlega orðsnilld Hannesar og nýyrðasmíði var hann opinn fyrir sorginni sinni. Jafningi allra, jafnt barna, kvenna og kóngafólks," segir Þórunn.
Jóhanna Friðrika les ljóðin sem ljóðlínurnar eru fengnar úr sem prýða verkin.

Sýningin er opin alla daga sem Hannesarholti er opið: alla daga nema sunnudaga og mánudaga kl.11:30-16 og stendur til jóla.

Leiðsögn um sýninguna "Himneskt er að lifa!"

Hollvinum Hannesarholts hefur fjölgað að undanförnu og hafa heimtur á 5000 króna árgjaldi verið góðar. Við þökkum fyrir af heilum hug og njótum ávaxtanna saman af þeim verkefnum sem hollvinafélagið hefur stutt og staðið fyrir, eins og útgáfa Fjalldrapans 2020 og nú útgáfa tvímálabókarinnar Ólgublóð / Restless blood sem er beðið með óþreyju. Þeir sem vildu bætast við í hóp hollvina sendi póst á hollvinir@hannesarholt.is eða á hannesarholt@hannesarholt.is 

Hollvinafögnuður var haldinn í Hannesarholi miðvikudaginn 26.október og var vel mætt bæði af nýjum og eldri hollvinum. Því var fangað að starfsemi skuli loks aftur hafin í Hannesarholti og Friðrik V.boðinn velkominn. Ragnheiður Jónsdóttir setti samkomuna og bauð Friðriki að segja gestum frá  áformum sínum í Hannesarholti og áherslum í samstarfi milli Friðriks og Hannesarholts. Friðrik bauð uppá smakk í mat og drykk og gestir nutu vel veitinganna . 

Ragnheiður Gröndal og Guðmundur Pétursson fluttu nokkur lög og nutu ungir og aldnir listflutnings þeirra. Ekki skemmdi fyrir að Ragnheiður er frænka Hannesar Hafstein, afkomandi yngri bróður hans, Gunnars. 

Loks stigu á stokk Ástráður Eysteinsson prófessor og Julian Meldon D'Arcy prófessor emeritus við Háskóla Íslands og fluttu bæði á íslensku og ensku nokkur ljóð efir Hannes Hafstein í eigin þýðingu. Verið er að leggja lokahönd á tvímálabók sem þeir hafa unnið og nefna Ólgublóð / Restless blood með þýðingum á 35 ljóðum eftir Hannes Hafstein. Bókin kemur út hjá Stofnun Vigdísar Finnbogadóttur í erlendum tungumálum, en auk stofnunarinnar studdu Hollvinir Hannesarholts myndarlega við útgáfuna. Góður rómur var gerður að flutningi þeirra félaga og bíða hollvinir spenntir eftir að bókin komi út fyrir hundrað ára ártíð Hannesar Hafstein í desember.

Hannesarholt opnar aftur 1.október með samstarfi Hannesarholts og Friðriks V.Hraunfjörð, sem opnar veitingastað í húsinu sem hann nefnir Friðrik V. Fólk þekkir Friðrik frá fyrri tíð, en hann hefur gjarnan sett upp veitingastaði í sögulegum húsum með sál og nefnt þá Friðrik V. Arnheiður Vala rekstrarstjóri, Friðrik og Ragnheiður hafa stillt saman strengi á síðustu vikum og hlakka til framtíðarinnar í Hannesarholti. 

Opnunartímar verða frá 11.30-16 alla daga nema sunnudaga og mánudaga til að byrja með og hádegismatur verður í forgrunni. Einnig verður Friðrik með almenna veisluþjónustu og tekur þátt í matartengdum menningarviðburðum eins og fólk þekkir úr Hannesarholti. 

Bjóðum Friðrik V. velkominn í Hannesarholt

Menningarsetrið  Hannesarholt á Grundarstíg 10 í Reykjavík verður opnað aftur  laugardaginn 1.október, eftir að hafa verið lokað í rúmt  ár. Sjálfseignastofnunin hóf starfsemi árið 2012 og hefur reksturinn  verið fjármagnaður af stofnendum Hannesarholts, Ragnheiði Jónu  Jónsdóttur og Arnóri Víkingssyni, með stuðningi hollvina og hollustu  einstaklinga, fyrirtækja, lista- og fræðimanna. Stofnunin hefur aldrei  notið opinberra rekstrarstyrkja. Stefnt var að því að tryggja reksturinn til framtíðar með samstarfssamningi við stjórnvöld og hafa viðræður þess efnis staðið yfir í hátt í tvö ár, en ekki gengið eftir. Nú hefur opnunarstyrkur frá Anna-Maria & Stephen Kellen góðgerðarsjóðsins frá New York gert Hannesarholti kleift að halda rekstri hússins  áfram. „Við erum sjóðnum og stjórnarformanni hans, Caroline Kellen,  ævarandi þakklát, en Caroline er góðvinur Hannesarholts og sýnir í nú  verki áhuga og skilning á hugsjónastarfi Hannesarholts,“ segir Ragnheiður.  

Með stuðningi Anna-Maria & Stephen Kellen góðgerðarsjóðsins  getur Hannesarholt opnað aftur en áfram verður leitað eftir  fjárhagslegum stuðningi  hér innanlands til að menningarstarfsemi nái  aftur að blómstra í Hannesarholti með samfélagslega ábyrgð að  leiðarljósi.

Matreiðslumaðurinn  Friðrik V.Hraunfjörð, betur þekktur sem Friðrik fimmti, hefur tekið við  veitingarekstri í Hannesarholti og opnar veitingastað í húsinu 1.október. „Við höfum haldið upp á Friðrik og hans fólk síðan hann var með  veitingastað á Laugavegi og áttum  langar samræður um sjálfbærni og hráefni úr nærumhverfi. Það er sönn  ánægja að fá Friðrik til samstarfs í Hannesarholti, segir Ragnheiður. „Við erum algjörlega á  sömu blaðsíðu og það gengur vel að stilla saman strengi innanhúss,”  segir Arnheiður Vala Magnúsdóttir rekstrarstjóri.

„Ég er ánægður að vera kominn af stað aftur og eins og áður í sögufrægu húsi, sem er ekki bara fallegt heldur líka fullt af sál. Ég hef fylgst með Hannesarholti í gegnum tíðina og þau með mér,” segir Friðrik. „Við eigum vel saman.”

Aðgengi  fyrir fatlaða var nýlega stórbætt, þegar sett var upp pallalyfta við  aðalinngang hússins og bætist við þá sem fyrir var í Hljóðbergi,  tónleika-og fyrirlestrarsal í bakgarði.

Elísabet Ásberg - Leiðsögn um sýninguna Kjarni

Kjartan Ari Pétursson - Leiðsögn um sýningu

Umsókn um myndlistarsýningar

Syngjum saman í Hannesarholti veturinn 2023-2024

Romain Collin & gestir 2024

Kvöldveislur Hannesarholts og Flóru veisluþjónustu

Jólaveislur Hannesarholts og Flóru veisluþjónustu 15.og 16.desember

Uppselt á kvöldstund með Brassens - Gérard Lemarquis og Les Métèques

Ævintýri með Vigdísi Gríms sjötugri

Harpa Þorvaldsdóttir stýrir syngjum saman 28.október

Tuttugu ára ævintýri á Íslandi

Jónas Árnason heiðraður með söng á 100 ára afmælisári - Upplyfting leiðir söng

Píanótónleikar með Alessöndru Toni og Kianni

Kvöldstund með mæðgunum Jasminu Vajzovic og Özru Crnac

Tíu ár í Draumalandi - Kvöldstund með Roberto Luigi Pagani og Kristborgu Bóel Steindórsdóttur

Október barmafullur menningarmánuður í Hannesarholti

Syngjum saman í Hannesarholti með Systrum

Margrét Jónsdóttir - Leiðsögn um sýninguna NÁTTÚRA / AÐ VERA

Samfélagsgæska í Hannesarholti með Ólafi Þór Ævarssyni

Aðalfundur Hannesarholts

Syngjum saman í Hannesarholti veturinn 2023-2024

Við vötnin - Málverkasýning Ingibjargar Dalberg

Exotísk tónlist með tríói Olivier Manoury

Hjörtur Hjartarson Nýjar myndir 2023 - síðustu sýningardagar

Síðasti dagur fyrir sumarleyfi / Last day before summer vacation!

ANDLIT AFRÍKU - Síðasta sýning fyrir sumarleyfi

Til hamingju með 19.júní!

Sigrún Harðardóttir AÐ FJALLABAKI - síðasti sýningardagur 17.júní

Fjölskyldutónar - Blessuð sólin

Myndlistarsýning Óskar Ólason 100 ára

Gleðilega páska - Happy Easter

Ragnheiður Jónsdóttir - nútíminn.is

Fólk eins og við - Marta Margrét Ö.Rúnarsdóttir

Ólgublóð / Restless Blood - til sölu

Ljóðahátíðin Ljóðið lifi

Múltíkúltíkórinn söng fyrir frelsið

Enginn karlaklúbbur - Sísí Ingólfsdóttir

Romain Collin aftur með tónleikaröð í Hannesarholti

Tíu ára afmæli Hannesarholts

Aftur í hring

Burtfloginn kjúklingur og teiknaðar kartöflur

Hannesarholt óskar ykkur gleðilegra jóla

100 ára ártíð Hannesar Hafstein - Hátíðardagskrá

Með kveðju frá Hannesi í hönnun Soffíu Gísladóttur

Leiðsögn um sýninguna "Himneskt er að lifa!"

Öflugir hollvinir

Hollvinafögnuður

Bjóðum Friðrik V. velkominn í Hannesarholt

Hannesarholt opnar á ný

Aðalfundir Hannesarholts og Hollvina

Lokun Hannesarholts

Aðalfundur Hollvina

Hannesarholt heiðrar Vigdísi Finnbogadóttur á afmælisdaginn

ÚRSLIT LAGAKEPPNI HANNESARHOLTS, LEYNIST LAG Í ÞÉR

Metþáttaka í lagakeppni við ljóð Hannesar Hafstein

Hertar sóttvarnaraðgerðir

Leynist lag í þér? Lagakeppni Hannesarholts

Sumarleyfi

Til hamingju með 19. júní

Velkomin 17. júní

Málverkasýningar 2021

Opið um helgar frá 9. maí

Aðalfundur Hannesarholts

Lokað tímabundið - Viðburðum frestað eða streymt

Hjólastólalyfta við útitröppur