Sigurdís Gunnarsdóttir veitir leiðsögn um málverkasýningu sína HUGARÓRA í Hannesarholti fimmtudaginn 3. apríl kl.13-15. Þetta er jafnframt síðasti dagur sýningarinnar.
Draumkenndar landslagsmyndir Sigurdísar eru í senn kraftmiklar og hljóðlátar. Myndmálið speglar upplifun áhorfandans af náttúrunni. Það er eins konar tilraunakennd rannsókn á yfirborði og gegnsæi, samspilum litbrigða, forms og skugga. Hugarórar færa okkur á vit ævintýra og vekja spurningar um það sem fyrir augu ber. Hvar liggja mörkin á milli mannsins í náttúrunni og náttúrunnar í manninum? Myndirnar eru unnar með olía á striga.
Sigurdís fæddist á Íslandi en ólst upp á Bahamaeyjum og í Bandaríkjunum fram á unglingsárin en fluttist þá aftur heim. Hún hefur stundað nám í Myndlistarskóla Reykjavíkur, Myndlistarskóla Kópavogs og Central Saint Martins í London. Þetta eru fjórða einkasýning hennar , sem er jafnframt sölusýning og hún hefur tekið þátt í fjölda samsýninga. Sigurdís er meðlimur í SÍM.
