Tónleikar með söngkonunni og píanóleikaranum Margréti Júlíönu Sigurðardóttur ásamt hljómsveit sem skipuð er gítarleikurunum Magnúsi R. Einarssyni og Eðvarði Lárussyni,  bassaleikaranum Pétri Sigurðssyni og trommuleikaranum Karli Pétri Smith verða haldnir í Hannesarholti miðvikudagskvöldið 16 apríl klukkan 20.00.   Sérstakur gestur á tónleikunum er bróðir Margrétar, Þórhallur Sigurðsson. 

 

Á tónleikunum í Hannesarholti flytur Margrét eigið efni, bæði frumsamin lög og eldri sem hér eru færð í nýjan búning,  hljóðheim sem er í senn ættaður frá Hawai og Hornströndum.  Sungið er um mánafljótið,  síðasta lag fyrir lokun og daga víns og rósa en í fjarska heyrist  hvíslað „Talaðu lágt,  því að tíminn er naumur.“  

 

Miða á tónleikana er hægt að kaupa á midi.is og við innganginn.

Aðgangseyrir 1500 kr  (1000 kr fyrir nemendur, öryrkja og ellilífeyrisþega).