Jazz – veisla fyrir öll vit

Föstudagsköldið 18.mars tekur Jazztríó Kristjönu Stefánsdóttur á móti gestum í Hannesarholti.

Boðið verður uppá þriggja rétta matseðil og mun tríóið leika valda jazz standarda og spjalla um matinn og tónlistina á persónulegum nótum. Jazzaðri málsverð er ekki hægt að hugsa sér:

Fordrykkur: Manhattan hanastél ásamt munnbitum úr eldhúsinu

Aðalréttur: New Orleans Gumbo Sjávarréttarsúpa

Eftirréttur: Pekanhnetubaka með ís

Tríó Kristjönu Stefáns skipa: Kristjana Stefáns söngur, Kjartan Valdemarsson píanó, Gunnar Hrafnsson kontrabassi.

Gestafjöldi er takmarkaður og miðar eru einungis seldir í forsölu.