Dúettinn 23/8, eða þær Anna Gréta Sigurðardóttir píanisti og Stína Ágústsdóttir söngkona, halda afmælistónleika á sameiginlegu afmæli sínu þann 23. ágúst næstkomandi í Hannesarholti.  Á dagskrá verða einungis þeirra uppáhaldslög og ekkert verið að festa sig við tegund tónlistar eða uppruna. Flest verður þó nokkuð jazzskotið og auðvelt áheyrnar þar sem þær spila einna helst jazztónlist þegar þær koma fram saman.

Fyrri verkefni þeirra hafa vakið athygli og áhuga landsmanna en nýliðin sumur ferðuðust þær um Ísland með hljómsveit sinni og spiluðu tónlist Bjarkar í jazzútsetningum og tónlist sænsku jazzdívunnar Monicu Zetterlund.  Bæði Anna Gréta og Stína eru búsettar í Stokkhólmi þar sem þær eru athafnasamar á sænsku jazzsenunni og koma reglulega fram víða um Svíþjóð með þekktum sænskum tónlistarmönnum.

Tilboð úr eldúsi Hannesarholts – menningarplattinn á kr.2.900, Húsið opnar kl.18.30, borðapantanir í síma 511-1904 eða á hannesarholt@hannesarholt.is