Kveðjusöngur farfuglanna

Dúettar og sönglög eftir Mendelssohn, Schumann og Brahms

 Hallveig Rúnarsdóttir, sópran

Guðrún Jóhanna Ólafsdóttir, mezzósópran

Hrönn Þráinsdóttir, píanó

Robert Schumann                                 Mädchenlieder Op. 103

(1810-1856)                                              -Mailied

-Frühlingslied

-An die Nachtigall

-An den Abendstern

Johannes Brahms                                  Vergebliches Ständchen Op. 84 No. 4

(1833-1897)                                              Wiegenlied Op. 49 No. 4

Dort in den Weiden Op. 97 No.4

Immer leiser wird mein Schlummer Op. 105 No. 2

Die Mainacht Op. 43  No. 2

Wie Melodien zieht es mir Op. 105 No. 1

Von ewiger Liebe Op. 42 No. 1

Felix Mendelssohn Bartholdy          Lieder Op. 63 Nr. 1-6

(1809-1847)                                              -Ich wollt, meine Liebe ergösse sich

-Abschiedslied der Zugvögel

-Gruβ

-Herbstlied

-Volkslied

-Maiglöckchen und die Blümelein

Um efnisskrána:

Hallveig Rúnarsdóttir sópran, Guðrún Jóhanna Ólafsdóttir mezzósópran og Hrönn Þráinsdóttir píanóleikari flytja nokkra af ástsælustu dúettum þýsku ljóðatónbókmenntanna, eftir Mendelssohn og Schumann, ásamt einsöngslögum eftir Brahms, s.s. Von ewiger Liebe og Immer leiser wird mein Schlummer.

 GUÐRÚN JÓHANNA ÓLAFSDÓTTIR mezzósópran hefur komið fram sem einsöngvari á tónleikum vítt og breitt um Evrópu og í Suður-Ameríku í tónleikasölum svo sem Henry le Boeuf Hall í Bozar í Brussel, Auditorio Nacional de Música de Madrid, Teatro Real í Madrid, Glinka sal Fílharmóníunnar í St. Pétursborg, Coliseo í Buenos Aires og Royal Festival Hall í London. Hún hefur sungið m. a. með Sinfóníuhljómsveit Íslands, Bachsveitinni í Skálholti, Kammersveitinni Ísafold, Caput, Nordic Affect, Sonor Ensemble, Sinfóníuhljómsveit Madrídar, St Petersburg State Symphony Orchestra og Philharmonia Orchestra í London.
Guðrún hefur frumflutt fjölmörg tónverk eftir íslensk og erlend tónskáld, sem sum hver hafa verið samin sérstaklega fyrir hana. Hún hefur sungið í óperum á Spáni, Bretlandi og Íslandi, hlutverk eins og Öskubusku, Dorabellu, Rosinu, Romeo, Prins Orlowsky, Carmen, Sesto, Tónskáldið og titilhlutverkið í Stígvélaða kettinum eftir Montsalvatge í Teatro Real í Madríd.
Guðrún stundaði söngnám hjá Rut Magnússon í Tónlistarskólanum í Reykjavík og hjá Lauru Sarti í Guildhall School of Music and Drama í London, en þar hlaut hún meistaragráðu í söng og lauk óperudeild skólans. Hún hefur einnig sótt einkatíma í söng hjá Aliciu Nafé í Madríd. Hún hefur hlotið ýmis verðlaun í alþjóðlegum söngkeppnum, svo sem Kathleen Ferrier ljóðasöngsverðlaunin í Wigmore Hall í London, ljóðasöngsverðlaunin í alþjóðlegu söngkeppninni í Zamora og Joaquín Rodrigo verðlaunin í Madríd. Hún hefur hlotið starfslaun listamanna í eitt ár í tvígang.
Guðrún hefur sungið inn á geisladiskana: Mitt er þitt – íslensk og spænsk sönglög, Grieg-Schumann, Apocrypha (Íslensku tónlistarverðlaunin) Iepo Oneipo Heilagur Draumur (Editor´s Choice, Gramophone Magazine), Grannmetislög, Unto Us, Sigvaldi Kaldalóns: Ég lít í anda liðna tíð, English and Scottish Romantic Songs for Voice and Guitar, Áskell Másson (Naxos) og Secertos quiero descuvrir – Spanish Music for Voice, Violin and Guitar. Guðrún er listrænn stjórnandi Kammertónleika á Kirkjubæjarklaustri.      www.gudrunolafsdottir.com

Hallveig Rúnarsdóttir – Curriculum Vitae

Hallveig Rúnarsdóttir hóf söngnám hjá Sigurði Demetz árið 1991. Hún lauk 8. stigi frá Tónlistarskólanum í Reykjavík undir handleiðslu Rutar L. Magnússon árið 1998. Það sama ár hóf hún nám  hjá Theresu E. Goble við Guildhall School of Music and Drama í London og útskrifaðist þaðan með láði sumarið 2001.

Hallveig hefur sungið nokkur óperuhlutverk, flest hjá Íslensku Óperunni en einnig víðar. Meðal hlutverka hennar eru Michaëla í Carmen eftir Bizet, Fiordiligi í Cosi fan Tutte eftir Mozart, Gianetta í Ástardrykknum eftir Donizetti og Echo í Ariadne auf Naxos eftir Richard Strauss. Hún hefur komið fram sem einsöngvari víða um heim, hún hefur sungið sópranhlutverkið í mörgum helstu stórverkum tónbókmenntanna og hefur sungið margoft með Sinfóníuhljómsveit Íslands auk fjölda annarra hljómsveita bæði hér á landi og erlendis.

Hallveig hefur sérstaklega verið virk í flutningi nýrrar tónlistar og hefur frumflutt mörg ný íslensk verk, t.d. á Listahátíð í Reykjavík og á Sumartónleikum í Skálholti, auk upptaka fyrir útvarp. Hallveig hefur og haldið fjölda einsöngstónleika á Íslandi undanfarin ár þar sem hún hefur lagt áherslu á ljóðasöng. Hallveig hlaut Íslensku tónlistarverðlaunin sem söngkona ársins í sígildri- og samtímatónlist árið 2013 fyrir hlutverk sitt sem Michaëla í Carmen hjá Íslensku óperunni. Hún var tilnefnd til Grímuverðlauna sem söngvari ársins árið 2014 fyrir sama hlutverk. Hún var í vor tilnefnd til Íslensku tónlistarverðlaunanna annað árið í röð, fyrir árið 2014. Meðal verkefna Hallveigar framundan eru tónleikar á Þjóðlagahátíð á Siglufirði, Messías í Færeyjum og á Íslandi og næstkomandi vor mun hún flytja 3. Sinfóníu Gorecki með Sinfóníuhljómsveit Íslands.

Hrönn Þráinsdóttir

píanóleikari stundaði nám hjá Erlu Stefánsdóttur og síðar hjá Jónasi Ingimundarsyni í Tónlistarskólanum í Reykjavík. Í Þýskalandi stundaði hún nám við tónlistarháskólann í Freiburg og lauk þaðan Diploma kennaraprófi með ljóðasöngsmeðleik sem aukafag vorið 2004. Kennarar hennar voru Prof. Dr. Tibor Szasz í píanóleik og Prof. Hans-Peter Müller við ljóðasöngdeild. Að því loknu stundaði hún nám við tónlistarháskólann í Stuttgart undir handleiðslu Prof. Cornelis Witthoefft þar sem hún lauk sumarið 2007 mastersnámi við ljóðasöngdeild skólans. Hrönn hefur komið fram á tónleikum víða, m.a. í Þýskalandi, Austurríki, Noregi,Ítalíu,Grænlandi og á Íslandi sem einleikari, meðleikari og við flutning kammertónlistar. auk þess að hafa hljóðritað fyrir útvarp og leikið inn á geisladiska m.a.með kammersveitinni Ísafold. Hún hefur tekið þátt í ýmsum hátíðum eins og Ung Nordisk Musik, Músíkdagar í Færeyjum, Við Djúpið á Ísafirði og hátíðarinnar Berjadaga á Ólafsfirði. Hún hefur verið virk í flutningi nýrrar tónlistar m.a. á Myrkum Músíkdögum og með kammersveitinni Ísafold, en hlaut hún með kammersveitinni íslensku tónlistarverðslaunin sem flytjandi ársins fyrir árið 2007. Hrönn er kennari við Söngskólann í Reykjavík og við Tónlistarskólann í Reykjavík.