Á þessum sumarlegu tónleikum í Hannesarholti hljómar ljúfur fuglasöngur í sönglögum eftir m.a. Mozart, Tchaikovsky, Glinka , Sigvalda Kaldalóns, Atla Heimi Sveinsson og fleiri.

Nathalía Druzin Halldórsdóttir mezzósópran lauk 8.stigs prófi árið 2006 frá Nýja Tónlistarskólanum og naut þar leiðsagnar Alinu Dubik. Fyrstu söngtímana tók hún í St. Pétursborg í Rússlandi þegar hún var þar í háskólanámi. Hún stundaði síðan nám hjá John A. Speight í Tónskóla Sigursveins, var einn vetur í Söngskólanum í Reykjavík hjá Elísabetu Eiríksdóttur auk þess sem hún tók einkatíma bæði í Danmörku og Bandaríkjunum. Nathalía var einn af sigurvegurum í keppninni „Ungir einleikarar“ árið 2009 og kom í kjölfarið fram sem einsöngvari með Sinfóníuhljómsveit Íslands. Árið 2010 varð Nathalía í þriðja sæti í Torneo Internazionale di Musica tónlistarkeppninni sem haldin er annað hvert ár í Veróna á Ítalíu. Hún hefur tekið þátt í óperuuppfærslum á vegum Sumaróperunnar, Íslensku óperunnar og hjá Óperustúdíói Íslensku óperunnar og verið mjög virk í tónleikahaldi m.a. á Tíbrártónleikum, í Gerðubergi, Sigurjónssafni, í Hörpu ofl. Hún hefur tvívegis verið einsöngvari með Sinfóníuhljómsveit Íslands. Nathalía hefur komið fram á tónleikum í St.Pétursborg, þar sem hún söng einsöng með Karlakór Reykjavíkur í St.Pétursborgar-Kapellunni árið 2014 í Púshkin safninu í Moskvu með Önnu Guðnýju Guðmundsdóttur píanóleikara. Haustið 2016 fór hún með hlutverk Olgu í uppfærslu Íslensku óperunnar á Évgeni Onegin eftir Tchaikovsky. Nathalía hefur verið virkur flytjandi á tónlistarsviðinu hérlendis og hefur tónleikum með henni verið bæði útvarpað og sjónvarpað hjá Ríkisútvarpinu.

Hrönn Þráinsdóttir píanóleikari stundaði nám hjá Erlu Stefánsdóttur og síðar hjá Jónasi Ingimundarsyni í Tónlistarskólanum í Reykjavík. Í Þýskalandi stundaði hún nám við tónlistarháskólann í Freiburg og lauk þaðan Diploma kennaraprófi með ljóðasöngsmeðleik sem aukafag vorið 2004. Kennarar hennar voru Prof. Dr. Tibor Szasz í píanóleik og Prof. Hans-Peter Müller við ljóðasöngdeild. Að því loknu stundaði hún nám við tónlistarháskólann í Stuttgart undir handleiðslu Prof. Cornelis Witthoefft þar sem hún lauk sumarið 2007 mastersnámi við ljóðasöngdeild skólans. Hrönn hefur komið fram á tónleikum víða, m.a. í Þýskalandi, Austurríki, Noregi,Ítalíu,Grænlandi og á Íslandi sem einleikari, meðleikari og við flutning kammertónlistar. auk þess að hafa hljóðritað fyrir útvarp og leikið inn á geisladiska m.a.með kammersveitinni Ísafold. Hrönn hefur tekið þátt í ýmsum hátíðum eins og Ung Nordisk Musik,,Músíkdagar í Færeyjum, Við Djúpið á Ísafirði og hátíðarinnar Berjadaga á Ólafsfirði. Hún hefur verið virk í flutningi nýrrar tónlistar m.a. á Myrkum Músíkdögum og með kammersveitinni Ísafold en með kammersveitinni hlaut hún íslensku tónlistarverðlaunin sem flytjandi ársins árið 2007. Hrönn er kennari við Söngskólann í Reykjavík og Tónlistarskólann í Reykjavík.Nathalía Druzin Halldórsdóttir mezzósópran lauk 8.stigs prófi árið 2006 frá Nýja Tónlistarskólanum og naut þar leiðsagnar Alinu Dubik. Fyrstu söngtímana tókn hún í St. Pétursborg í Rússlandi þegar hún var þar í háskólanámi. Hún stundaði síðan nám hjá John A. Speight í Tónskóla Sigursveins, var einn vetur í Söngskólanum í Reykjavík hjá Elísabetu Eiríksdóttur auk þess sem hún tók einkatíma bæði í Danmörku og Bandaríkjunum.