Djasskvintettinn Tiktúra var stofnaður síðla árs 2024 en meðlimir hans eru Ásgeir Kjartansson á gítar, Kormákur Logi Bergsson á píanó, Moritz Christiansen á tenor saxófón, Hjálmar Carl Guðnason á bassa og Þorsteinn Jónsson á trommur. Hljómsveitin leikur frumsamda blöndu af nútímadjass og sálartónlist með sterkum áhrifum úr þjóðlaga- og leikhústónlist en tónlistin flakkar í orku allt frá ljúfum, einlægum og seiðandi tónum upp í ákafa og kraftmikla óreiðu.