Jazz píanóleikarinn Anna Gréta Sigurðardóttir heldur tónleika í Hannesarholti sunnudaginn 22. mars kl. 15. Anna Gréta útskrifaðist frá Tónlistarskóla FÍH síðastliðið vor en stundar nú framhaldsnám við Konunglega Tónlistarháskólann í Stokkhólmi. Með henni leika þeir Þorgrímur Jónsson á kontrabassa og Einar Scheving á trommur. Sérstakur gestur í nokkrum lögum verður faðir Önnu Grétu, saxófónleikarinn Sigurður Flosason. Á efnisskrá tónleikanna verða verða þekktir jazz standardar í blad við tónlist eftir Önnu Grétu. Þess má geta að Anna Gréta var valin Bjartasta vonin í flokka Jazz- og blústónlistar á Íslensku tónlistarverðlaununum nú nýverið.

Almennt miðaverð er kr. 2.000 en kr 1.500 fyrir námsmenn og eldri borgara. Miðar fást á midi.is og við innganginn.
Hlé verður á tónleikunum og verða veitingar til sölu á veitingastað Hannesarholts á 1.hæð.