Leikhúslistakonur 50+ leiklesa leikrit Svövu Jakobsdóttur í Hannesarholti í mars og apríl. Fyrst er leikritið „Hvað er í blýhólknum” undir stjórn Þórhildar Þorleifsdóttur. Helstu leikendur eru: Anna Einarsdóttir, Björn Ingi Hilmarsson, Guðbjörg Thoroddsen, Hanna María Karlsdóttir, Jón Magnús Arnarsson og Sigurður Skúlason.

„Hvað er í blýhólknum?” er fyrsta leikrit Svövu Jakobsdóttur. Það var frumsýnt 1970 og sætti tíðindum  og þá ekki síður leikstjórn Maríu Kristjánsdóttur, en þetta var hennar fyrsta leikstjórnarverkefni að námi loknu. Hún leikstýrði jafnframt verkinu seinna bæði fyrir sjónvarp og útvarp.

Sýningin vakti mikla athygli og umtal á sínum tíma því hún kallaðist algerlega á við það sem var efst á baugi í samfélaginu. Árið 1970 er Rauðsokkahreyfingin stofnuð og leikritið, sem fjallar um stöðu kvenna á þeim tíma, var mikilvægt innlegg í þá baráttu.

Það hefur margt breyst á þeim áratugum sem liðnir eru frá frumsýningu „Hvað er í blýhólknum?”, en fróðlegt er að rifja upp umræðuna eins og hún var þá og bera saman við aðstæður og  líf kvenna á Íslandi í dag. Hvað hefur breyst og hvar eru  íslenskar konur staddar í dag.

Miðasala fer fram á tix.is. Opið er í veitingastofum Hannesarholts til kl.22 á fimmtudagskvöldum. Gleðistund (happy hour) kl.17-19, lifandi tónlist frá 18.30-20, kvöldverður, borðapantanir í síma 511-1904.