,,Andrá og eilífð” eru ljóðatónleikar í flutningi Hlínar Berens, Magneu Tómasdóttur og Gerrits Schuil, með tónlist eftir Hector Berlioz, Henri Duparc, Eric Satie og Franz Liszt. Ljóðin snerta allt lífið, hið stóra og smáa í tilverunni. Atburður, augnatillit, tilfinningar sem rúmast í einu augnabliki fela í sér sannleika heillar eilífðar. Á þessum tónleikum deila tvær söngkonur með sér fjársjóðum franskrar ljóðahefðar í blæbrigðaríkri efnisskrá.