Herdís Egilsdóttir kennari og rithöfundur kenndi við Skóla Ísaks Jónssonar í 45 ár. Hún hefur skrifað fjölda barnabóka, skrifað leikrit fyrir börn, samið ljóð og lög, smíðað húsgögn, saumað fatnað fyrir sjálfa sig og aðra, unnið skartgripi, töskur og fleira úr fiskiroði og svona mætti lengi telja. Viðhorf hennar til barna, kennslu og lífsins hafa vakið athygli víða. Herdís er 82 ára gömul, í fullu fjöri og ætlar að deila með þeim sem hafa áhuga kvöldstund þar sem hún mun grípa niður í þætti úr reynslubankanum sem gætu orðið okkur hinum til gagns og ekki síður gamans.