Sigurður Skúlason leikari flytur dagskrá í Hannesarholti sem hann nefnir Gyrðisvöku, en hana hefur Sigurður unnið upp úr höfundarverki Gyrðis Elíassonar, rithöfundar. Þar mun Sigurður bregða upp nokkrum dæmum úr fjölbreytilegri og margslunginni skáldskaparlist Gyrðis – úr ljóðum hans, smásögum, smáprósa, skáldsögum og þýðingum.

Gyrðir Elíasson á að baki óvenju farsælan feril sem rithöfundur, hann hefur sterkan persónulegan stíl og býr að mikilli hugmyndaauðgi samfara öguðum vinnubrögðum sem hafa skilað honum í fremstu röð skálda á Íslandi.

Allir velkomnir.