Í tilefni af útgáfu greinasafnsins An Intimacy of Words/Innileiki orðanna. Essays in Honour of Pétur Knútsson/Festschrift til heiðurs Pétri Knútssyni býður Stofnun Vigdísar Finnbogadóttur í erlendum tungumálum við Háskóla Íslands til móttöku miðvikudaginn 18. nóvember kl. 16-18 í Hannesarholti að Grundarstíg 10, 101 Reykjavík. Allir eru velkomnir.

Pétur Knútsson lét af störfum sínum sem dósent í enskum málvísindum við Deild erlendra tungumála, bókmennta og málvísinda í Háskóla Íslands haustið 2012 eftir 34 ár í starfi. Pétri til heiðurs og sem þakkarvottur fyrir frábæra samvinnu og samveru ákváðu samstarfsmenn hans að gefa út rit þar sem kæmu saman fræðigreinar sem tengdust þeim margvíslegu fræðasviðum sem hann hefur sinnt.

Greinasafnið kemur út hjá Stofnun Vigdísar Finnbogadóttur í erlendum tungumálum og Háskólaútgáfunni um miðjan nóvember, með liðsinni Málvísindastofnunar. Ritið verður um 350 bls. að lengd.