Töfratónar í Hannesarholti

Miðvikudagskvöldið 20. desember verður sannkölluð jólastemning í Hannesarholti þegar tríóið Töfratónar leika fyrir gesti í Hljóðbergi. Þríeykið, sem hefur leikið saman síðan snemma árs 2016, léku nýverið undir á kaffihúsamessu í Lindakirkju við miklar og góðar undirtektir gesta.

Á tónleikunum munu Töfratónar leika úrval þekktra jólalaga og sálma og hvetur hljómsveitin gesti til að taka undir. Tónleikarnir hefjast kl. 20.00 í tónleikasal Hannesarholts.

Tríóið Töfratóna skipa af píanóleikarinn Helgi Már Hannesson, trompetleikarinn Steinar Matthías Kristinsson og söngkonan Helga Magnúsdóttir.

—

Opið verður í Veitingastofum Hannesarholts fyrir tónleikana og býðst gestum að gæða sér á jólaplatta Hannesarholts 2017 fyrir viðburð. Borðapantanir í s. 511 1904