Kvöldstund með Sigríði Ásdísi Snævarr. Sigríður varð fyrst íslenskra kvenna til að vera skipuð sendiherra. Var það árið 1991 á miklum umbrotatímum. Hún hefur starfað víða um heim sem diplómat síðan 1978, hóf starfsferilinn í Sovétríkjunum og var síðast erlendis sem sendiherra í París. Hún er enn í utanríkisþjónustunni og vinnur með diplómötum framtíðarinnar.
Rithöfundar lesa úr bókum sínum
Sannkölluð jólastemmning verður sunnudaginn 11. desember í Hannesarholti en þá munu valinkunnir rithöfundar lesa úr verkum sínum. Tilvalið að mæta með ullarband og prjóna og hlusta á upplestur á Baðstofulofinu í Hannesarholti. Kaffihúsið verður að sjálfsögðu einnig opið.
Serbneska menningarmiðstöðin á Íslandi kynnir tónlistar- og ljóðakvöld með einum vinsælasta leikara Serbíu, Ivan Bosiljcic. Menningarviðburður þar sem áhorfendur munu njóta og kynnast tónlist og ljóðum frá Serbíu og Balkanskaganum. Með Ivan Bosiljcic verður píanóleikarinn Aleksandar Miletic og gítarleikarinn Branki Stikovic.
Birgitta Haukdal les úr bókunum sínum um Láru og Ljónsa og syngur fyrir gesti.
Kósýkvöld hjá Láru og Lára fer á skíði eru bækur númer 3 og 4 í Láruseríunni eftir Birgittu Haukdal. Í fyrra komu bækurnar Lára lærir að hjóla og Lára fer í flugvél.
Rannveig Marta Sarc fiðluleikari og námsmaður í New York flytur eftirlætisverk á klukkustundarlöngum tónleikum í Hljóðbergi . Bjarni Frímann Bjarnason leikur með á flygilinn.
Bryndís Þórsdóttir fagottleikari og námsmaður í Kaupmannahöfn og Björg Brjánsdóttir þverflautuleikari og námsmaður í Osló leika ljúfa en fjölbreytta tónlist, allt frá jólalegri barokksónötu til brasilískrar svítu.
Rakel Björt Helgadóttir hornleikari og námsmaður í Berlín leikur verk eftir Beethoven, Slavický og Schumann. Anna Guðný Guðmundsdóttir leikur með á flygilinn.
Sólveig Steinþórsdóttir fiðluleikari og námsmaður í Berlín leikur sónötur eftir Beethoven, Ysaye og Prokofiev. Anna Guðný Guðmundsdóttir spilar með á flygilinn.